سحابة الضيق جات ولاح بارقها

السلام عليكم ورحمة الله وبركاته




[العيـن] كـفـي عبـرتـك لاتهلـيـن
دمعك على الخدين ضيـم وضليمـه
ماصار صار وفيه يا العين راضين
والـلـي بـقـا يـاهـل ربـــي يـديـمـه





تحقيق الاحلام .. حتّى لو ينسّق لي
عندي اماني .. ولا ودّي احقّقها




لان الاماني معك .. لو هي تحقق لي ,
مردّ الايام .. تحطب لي وتحرقها




ايّام ما كانت عيونك .. تشوّق لي
لو تطلب اسرق لك الضحكه .. ابسرقها !!



لكن سبقك الفراق .. اللّي مسبّق لي
وسحابة الضيق جات .. ولاح بارقها




يا دفتري / كم من الضيقه توثّق لي ؟
لو هي لهت في غيابي .. لا تضايقها



يحقّ لـ عيونها / تشتاق ... ويحق لي
اضيق .. واكذّب الكذبه , واصدّقها



العام .. من تسمع ابياتي تصفّق لي
واليوم .. تصفق يديني من مفارقها



يا ( ضيق صدر الغياب ) .. شويّ روّق لي
ما هو ضروري اسجّ الرجل .. وافهقها



يا صغر عقل الفراق .. ويا صغر عقلي ,
ما امداني احبّها .. عشان افارقها !





خفت إنّي مقصّر .. وما خفت من كيدك
واللي على خاطري .. مردّه لساني ,



تبيني ابقى لك .. وما اروح من ايدك ؟
لاتكسر بخاطري , و ألف يتمنّاني !






حمد آلديحآإني ..!!

صح لسان الشاعر وتسلم للنقل إصرار
يعطيك العافيه يارب

قصيدة في منتهى الرقة .. معآني روعه و بحر جميـــل
صـح ذوقك اخوي اصرار و دام لنــا ابدآعك
و دآآئماً ننتظر جديدك بشوق

بسم الله الف شكر لك

صح لسان الشاعر حمد الديحاني
وسلمت يداك على النقل استاذي الغالي اصرار
الله يعطيك ألف عاافية
مشكور يالغالي

مششكور اخوي