ياغاليــــــــه

ياغاليه لا تجرحيني وانا اغليـك
تراني اكبر من علـوم ٍ تجينـي

احفظ غلاتك كل لحظه واداريـك
والله على عوج السوالف يعينـي

ادمحلك الزله على طول واجيـك
لني على الزلات جنبـي متينـي

كم ليلة ٍ من ضيقتي جيت ناصيك
واخفي ملامح ضيقتـي لا تبينـي

انشدك انا يامنوة الروح وش فيك
واخيرك ما بين عينـي وعينـي

وتقول الي يمدي وقول الك يمديك
واشيل حزنك من يديـك اليدينـي

وارسم لك البسمه على راحة يديك
والوي همومك كلها فـي يمينـي

واسايرك في كل هرجك واسليـك
وتضحك وتترك جرح الايام فيني

واليوم تهديني سهومك وانا اغليك
ياشيب عيني منك ياشيب عينـي

كلمآت قمه وكلهآ إحسآس !!
موب غريب عليك هالأبدآع ~
طرح رآقـــي كعآدتك ~
تسلم هالأيآدي ماننحرم منك يآرب

صــح لــساانـك عـ القـــصيدة الــرائــعة لاهـــنت

ابياااااااات راائعه
سلمت يمناك اخوي فارس
لاهنت