قصيدة عز الله اخطا من مسميك رجال

جاني يعايرنـي بقولـه: "فقيـره "
قلت الفقر ماهوب فـي قلـة المـال



الفقر هونقـص العقـل والستيـره
واما بغيرة يا"...." نستـر الحـال



قال: وعلى فقـرك وكنـك اميـره
تحكي بعز وتمشـي بفخـر تختـال



قلت: ايه وازيدك من البيـت غيـره
الله عطاني مـن عطايـاه مكيـاااال



وش هو له امشي في حياتي **يـره
مادامني من خير ربي انـا اكتـال



مـادام مايسجـد جبينـي لغـيـره
أللي خلق ارض وسمـوات وجبـال



اللي حباني نـور عيـن وبصيـره
أميز يمين الخطـاوي مـن شمـال



ماني قليلـة فهـم مثلـك غريـره
أمشي عدل واميـل للوقـت لامـال



ماغرني صوف الزمـان وحريـره
ومهما يضيق الوقت فيّه أبا احتـال



وكانك تعايرنـي بقولـة " فقيـره "
بقول شي(ن)صعب اشـوي ينقـال



صحيـح املاكـك عددهـاكثيـره
صحيح تلبس غتره وثوب وعقـال



بقول لك كلمة ولـو هـي كبيـره:




عز الله اخطا من مسميك رجّال

قصيده جميله اخوي ابراهيم الهديان ولاهننت...

إنـتقاء ثري بالذائقه
سلمت ودام رقي ذوقك
بإنتظار القادم بشوق

يسلموو عالانتقاء الجميل
سلمت يمينك