كيف لي ان لااعشقه ويقال فيه هذا الكلام .......

اخواني عشاق العالمي حقا ان النصر محارب ومحسود بوجود اشخاص يعشقونه الي هذا الحد من الجنون ولكم مني الان بعض شعراء وشاعرات الجزيره العربيه والتي هي شعار العالمي .





للشاعر الكبير/ ( محمد بن ساقان القحطاني )
مبروك يا أعظم صروح المجد في الدوله *** يـا نــادي طــال خـشـم سهـيـل بأمـجـاده
طـال البطولـة وهـي مـا طـاولـت طـولـه *** لأنـه سمـا والشـرف فــي صــدره قــلاده
النـصـر للنـصـر مهـمـا غـــاب مقـيـولـه *** قـــولٍ مـورثــه ابــــو خــالــد لأحــفــاده
مـــا للمـنـصـات والـتـتـويـج والـطـولــه *** سوى سمـي الذهـب والشمـس يـا سـاده
مرحـوم ياللـي صـدق فـي فعـلـه وقـولـه *** الـلـي تـجـاوز بنـصـره مـا ورى مـــراده
الشـمـس كـفـه ومـجـد النـصـر بفـعـولـه *** نــور ركــز فــي سـنـام الـجـدي اوتـــاده
والـيـوم فيـصـل مـــع مـمــدوح رزولـــه *** مـا مــات مــن خـلــف الـتـاريـخ لأولاده
وشلـون غـاب النصـر او ثقلـت حمـولـه *** دام الوليـد ابـن سيـف العـز فــي سـنـاده
وفيصـل ولـد تـركـي الـطـولات منـزولـه *** مـن فـوق تـاج النصـر مـن قبـل مـيـلاده
سـمـي مـــن عـانــق الأمـجــاد بخـيـولـه *** فرحـة جبـيـن الفـشـق لا صـافـح زنــاده
فـكـن البطـولات بـك مـن غبـت مشلولـه *** والكـاس كنـه لبـس مــن بـعـدك إحــداده
والنـجـم لـــو غـــاب ولا طـــوَل أفـولــه *** يبـقـى عـلـى الـنـور نــور ونــار وقـــاده
جمـهـورك السـيـف لامــن لاح مسلـولـه *** تـسـولـف بــعــز عــنــه نــجــد لـلـقــاده
شيلوا له الصوت يـا جمهـور شيلـوا لـه *** قولـوا النصـر للذهـب والفـوز لـه عـاده
يشـوف ماجـد علـى الأخبـار مــن قـولـه *** فـي الصيـن يومـه لفـى بالكـاس لـبـلاده
قمة شموخ النصـر فـي عيـن مـن حولـه *** لا قـال بلسـان هـذي الشمـس يا ســاده
مـجـد النـصـر مـاهـو بمحـتـاج لبـطـولـه *** قولـوا البطولـه زمـن تحـتـاج لأمـجـادهـ



وقد قالت الشاعره/ أشواق الشمري:
تـجـدد مـوعـد بـفـكـر ومـوعــد فـكــري ذا يـغــري
إلـى مـن صـرت موعـود ٍ بشعـر ٍ يطـرب الآعمـاق
وأنا شعري إذا ينقال !! تطيب جـروح مـن شعـري
لاهــو غــرور ٍ ولا غـيـره ولانــي بالـهـوى بــواق
رفعـت عيونـي أسترجـع شـعـور ٍ يحـضـره فـكـري
لأجل أنظم قصيد ٍ بس !! قصيد يليق بأسم أشـواق
يـاربـي تجمـلـن دائـــم ودائـــم تـشـرحـه صـــدري
وقفـت وموقفـي صعـب ٍ أمـام الأصـفـر الـبـرااااااق
وقفـت أحيـي جمـهـوره جماهـيـر الـوفـاء بعـمـري
ياعمري بالوفاء ونبضه يانبض إحساسـي الدفـاق
يـالـون الهيـبـه يالـونـه ذهــب فــي دمـنـا يـجــري
تمـكـن داخــل عـروقـي وغـيـره بـنـاظـري مـــالاق
ياعـاذل عشقنـا لحظـه بقـولـك شــيء مـاتـدري !!
بـإن الشمـس إذا تظـهـر شعـاعـه يحـرقـك إحــراق
وإذا بتجـادل بنـصـري ! ياهـيـه أقــول لــك بــدري
هــذاك العالـمـي غصـبـن تحـيـي مـجـده وتـنـسـاق
وأنــا بحـيـي جمـهـوره إلـيـن اللـيـل بــي يـســري
لسحـاب ٍ أزرق وأصـفـر يخـطـف أنظـارنـا ســراق
حـــب الـنـصـر وجـمـهـوره أحـبــه والله بــعــذري
لإنــي عـاشـق ٍ واحــد وملايـيـن الـبـشـر عـشــاق
وإذا جيـت أختـم أبياتـي بقـول ٍ يـطـرب ويـغـري !
(إلى من جاك طاري الشوق لغير العالمي تشتاق ؟




وقد قال الشاعر الرائع والمبدع النصراوي /عقاب الربع الشمري قصيدته في النصر أترككم معها

مـن هــو يشـابـه بالـوفـا تـاريـخ جمـهـور النـصـر
عـريـق والله مــا يـشـابـه غـيــر نـاديــه الـعـريـق

بظهـر ومسـا متحمـس ومتحمـس بصبـح وعصـر
يتـنـفـس الـحــب المـعـتـق بالـزفـيـر وبالـشـهـيـق

يالعالمـي بنـيـت لــك فــي داخــل ضلـوعـي قـصـر
لونـه مثـل لـون الـذهـب وعـروقـي لبـابـه طـريـق

انسى معـك وكـرة قطـر وانسـى معـك أهلـي مصـر
وأرضي على شانك عدو وأزعل على شانك صديق

يكفيـك لـون الشمـس فـي شعـارك تهـادي للبـصـر
شبه الجزيـره وأنـت فـوق الشبـه فـي قمـة طويـق

الـفـن ذوقــك والـفـنـون أذواق حـاصـرهـا حـصــر
غـرد علـى العشـب الخضـر ولا عليـك مـن النعيـق

يطـول تتويـجـك عـلـى أرض المنـصـه وإن قـصـر
فــي الليـلـة الظلـمـاء يفتـقـدون بـــدرك يالـفـريـق

أقـولـهـا ونقـولـهـا نـصــر نـصــر نــصــر نــصــر
لا خــر نـفـس لاخــر نـفـس مـعـاك والله لا يعـيـق



وقد قال الشاعر /عبدالعزيز بن عبدالرحمن الصعب هذه القصيده:



منهـو اللـي تـاج راسـي بالنـوادي *** تاج راسي نادي النصـر السعـودي
ناد(ين) لامن لعـب ماهـوب عـادي *** فيـه شجعـان العـرب عنّـه تـذودي
ماهـو مثـل الانديـه دايــم يـصـادي *** ثابتـن للخصـم دايـم فـي صمـودي
ودون خصمه واقفـن لـه بالعنـادي *** صح من قال الشبل ذخر الاسـودي
كـل لاعــب مـاكـره مـاكـر هــدادي *** باذلين الجهد من شـان الصعـودي
بصمـتـه بالعالـمـيـه لـــه وكـــادي *** وثّـقـوهـا بالـمـلاعـب والـبـنــودي
والله ان الله اشـــا لـــه ثـــم ارادي *** ان يشيـل الكـاس ويـذل اليـهـودي
اللـيـال البـيـض خلـوهـا ســـوادي *** فوق راس الخصم والعالم شهودي
كـم رئيـس وكـم حاكـم لـه اشـادي *** مثـل حكـام البـلاد ( آل) السعـودي
وعشق جمهوره عليه اليـوم زادي *** عـنــد نـاديـهـم صـواديــر أورودي
النصـر حبـه سطـى داخـل فــؤادي *** ومـال حبـه فـي معاليقـي حــدودي



وهذه قصيدة الشاعر الكبير /ياسر التويجري والموسومه بـ (غصب على مدريد)



نادي النصر احسن من ريال مدريـد *** غصـب علـى مدريـد مـع برشلـونـه

عن حب الاصفر حالف دوم ماأحيـد *** ومـاحـب غـيـره لــو هــم يقفلـونـه

يانصـرنـا رجــع لـنـا فـرحـه العـيـد *** راحت ثمان سنينـن مانعـرف لونـه

يانـصـرنـا مـتــى تـهــل الـزغـاريـد *** متـى علينـا الـفـوز تقـبـل ضعـونـه

متـى علـى الله ترفـع الكـأس بالإيـد *** وتـفـرح جماهـيـر سنـيـن مغـبـونـه

وخـل الجزيـرة تفتخـر فيـك وتشيـد *** غصب على العبـدي ومـن يتبعونـه

ونشـوف ابـو شامـة يجـر التناهيـد *** وعـجـلان حـائـل طـايـرات عيـونـه

نبغى مثل شغل المهلهـل وابـو زيـد *** خـــل الـزنـاتـي يذبـحـنـه طـعـونــه

تكفـى تــرى تكـفـى تـهـز الاجـاويـد *** تـاصـل لمـجـد مـاقـدروا ياصـلـونـه

نبغى زمن ماجد ويوسف وابوسعيد *** ومحيسـن الجمعـان ماحلـى فنـونـه



قصيدة يا نصر أهواك لشاعر/محمد بن محسن العتيبي



يا نصـر يانـادي البطـولات نهـواك *** يالأصفـر البـراق نـادي المشاهـيـر
وش ينبغى باللعـب يانصـر لـولاك *** لـولاك ماجيـنـا المـلاعـب طوابـيـر
محبـتـك تـفـرض عليـنـا مـمـشـاك *** أن كنت يالعليا وان كنت فـي غيـر
ياللي من أول ماحـدً يلحـق خطـاك *** تحصد نقاط الفوز لا جيـت وتطيـر
بنجومك اللي لا أبتدى اللعب تفداك *** الـلـي يجيـبـون الـفــرح للجـاهـيـر
وشلون يا ماجد تبي الناس تنساك *** مادام غيـرك مـا قـدر يكمـل السيـر
هــذي حقيـقـه ماتخـفـى لـشــرواك *** وإليـا أعترفـنـا بالحقيـقـة مناعـيـر
محـدً يـسـوي بالمـلاعـب سـوايـاك *** قبل الشبك حاورت حتى المواصير
لكن عسى من جابك يجيـب حليـاك *** ويظهر لنا في نادي النصـر تغييـر
حتـى نعـيـد أمـجـاد نـصـر تـحـداك *** ياللي إليا عاد النصر منـت بالخيـر
ونقـول يالنصـر البطـل لا عدمنـاك *** أنا اشهد أنه ماحصل منـك تقصيـر




قصيدة اللون الأصفر لشاعر/ أحمد محمد العبيدالله




أحب الأصفر للنصر لـون وشعـار *** واللون الأصفر نور شمس وضية
في كل يوم لي مـع النصـر تذكـار *** نـوره بعينـي كـل صبـح وعشـيـة
شمس وذهب غالي من كل معيار *** لـذة عيـون الـلـي عيـونـه شقـيـة
يا مرحبا ياللي علـى كـل الأقطـار *** نـجـمـك تـعــلا للـنـجـوم الـعـلـيـة
في كل حينً لك مع الفوز مشـوار *** كـن الظفـر بيـنـك وبيـنـه وصـيـة
تسلـم لنـا يانـادي العـز وأن جـار *** ياعالـمـي وأكـثـر مــن العالـمـيـة



قصيدة يا نصر لشاعر/ متعب الحشيان




يانصـر حبـك تزايـد مـع غـلاك *** عالمـي بيـن الـنـوادي يانـصـر
أمتزج اصفرك مع زرقة سمـاك *** لونك الأصفـر علـى مـد البصـر
والله أنك غيـر يالنصـر بحـلاك *** أحتكرت الحب في هـذا العصـر
تمتـع الأنظـار روعـة مستـواك *** والوفاء صمم لجمهـورك قصـر
سـر وحنـا يالنصـر دايـم وراك *** في الشدايد والفرح بالمختصـر
لا هوى يطرب بصدق إلا هواك *** ومن وفاء بالحب يبتل ماقصـر
لا بهى بعدك سوى واهج بهاك *** ولغرامـك يـا نصـر دايـم أصــر
يا قصيدة عشق ابو خالد قـراك *** لين قال بمن حضر هذا النصـر



رمز بلادي لشاعر/ ماجد عثمان الخلف



للنصـر قيمـة غـيـر كــل الـنـوادي *** بالـفـن وصــل سمعـتـة للـبـرازيـل
جمهوره يهواه بشكل غيـر عـادي *** حب النصـر يانـاس بكـى رجاجيـل
قلـبـي يحـبـه ماعـشـق أي نـــادي *** من وين ماراح ألحقة دون تعطيـل
وسط المدرج بأسمه أهتف وأنادي *** مع كل هجمه أنتظـر منـه تسجيـل
العالـمـي حـبـي ومـصـدر عـنـادي *** حبـه بـدون اسبـاب وبـدون تعليـل
غنيت لأجله وصرت بالحب شادي *** يانصر أحبك جعـل دربـك تساهيـل
اسمـك تـرى بالـذات ماهـو بعـادي *** الفارس اللي بنجـد سـوى تهاويـل
أهـواه ثـم أهـواه ويشـهـد فــؤادي *** بكل لهجـه بكـل وصـف وتفاصيـل
يبقى النصر شامـخ ورمـز لبـلادي *** حـالـة غريـبـة مالـهـا اي تحـلـيـل
يكفـي النصـر أنـه قبـل هالـنـوادي *** أول سـعـودي راح يـــم الـبـرازيـل



أتمنى أنني قد وفقت بجمع هذه القصائد التي أعتبرها هدية لكم يا جمهور الشمس وأحب أن أختتم بقصيده لشاعره النصراويه المبدعه /سارا خجا وهي بعنوان (شعاع الشمس)

حنا شعاع الشمس .. جينا نعيش اليوم
جينا نعيد الأمس .. جينا بأعلى صوت
نشدي بعشق الشمس ..
نرفع راية مجدنا .. لنا الفخر .. العالمي هو نصرنا
ماهمنا .. من قال عنا وأفترى .. ولمعاندة ولجرحة .. سعى
شمسنا لا ماتغيب .. توصل لآخر مدى

كل الرجالات العظيمة .. من يوم يومك يانصر
مانرضى حنا بالهزيمة .. وبالختام لازم ننتصر
البطولات بفنكم تتكلم .. شوف المهارات وتعلم
روح التنافس عالية .. لجل الكؤوس الغالية
يالنصر محلاك .. لون الذهب غطاك
أمجادنا من أجدادنا .. لين جت لأحفادنا

لنا الفخر ..

العالمي هو عزنا .. هو نصرنا ..
أميرنا .. رمز الوفاء .. صانك ووفاك .. وكفى
حقق أمانينا .. حبيبنا .. عضيدنا .. فقيدنا
يا أرض نجدي .. وأشهدي .. بأرواحنا له نفتدي
حتى الفخر والعز والشرف .. لشيخ النوادي تهتدي
شدوا عزيمتهم رجالك .. والكل يتغنى بجمالك

شعارنا .. بعيوننا .. بقلوبنا ..
وبفضل ربي نستمر .. ونضل أسياد العصر
نرفع راية مجدنا .. لنا الفخر العالمي هو نصرنا


واعذروني ان اطلت او اني لم اجد ماهو افضل ولاكني اوعدكم بالبحث عن مايرضي طموحكم كجماهير وفاء ولكم مني جزيل الشكر ........

يعطيك العافيه
-------------------------

مشكووور ع القصايد

اشكر مروركم اخواني توفي والنادر مروركم وسام علي صفحتي وشكرا

كلمااااااااات جمييييله
يعطييك العافييه اخوي ع الطرح الرائع