قصيده للشاعر سلطان بن بتلا

من كم سنه والنصر يدفعنا على زود الصبـر
وأحوال جمهور النصر لو ما الصبر يرثى لهـا



الناس تطلع فوق ونشوف النصر ينزل حـدر
من عقـب كانـوا زبـدة الكـوره وهـم ابطالهـا



العالـمـي والعالـمـي والعالـمـي وأحـفـر قـبر
للعالمـيـه وأرجــع لماضـيـك وأبــك اطـلالـهـا



سنين مكسبنا من الدوري ومن غيـره صفـر
والنـاس منـكـم تشتـكـي قالونـهـا واطحالـهـا



ماعاد نبغى كـذب ووعـود وقراطيـس وحبـر
نبغى بالارض نشوف عشاق النصر وافعالها



إلـى متـى نوعـد ونخلـف بالوعـود وننتـظـر
نبـغـى فـعـول إدارة الـنـادي بــدون أقوالـهـا



نـداء لإعضـاء ولإحبـاب النصـر نبغـى خبـر
يسـعـد قـلـوبً مـلـت تـعـيـد وتـهــد آمـالـهـا



مـاراح نـرجـع مثلـنـا مـنـول ونتـقـدم شـبـر
إذا بغيـنـا صـفـة إعضـائـنـا تـشــح بمـالـهـا



أمــا كــذا ولا تـرانــا قـبــل نـرحــل نـعـتـذر
ونـدور اللـي فيـه خيـر انفوسـنـا واشوالـهـا



إلـى متـى يانصـر توعدنـا ولا شفـنـا نـصـر
وأحـوالـكـم يـرثـالـهـا وأحـوالـنــا يـرثـاِلـهـا

اي والله من كم سنه والنصر ماعاد هو النصر بس بالاسم

لاهنت اخوي اشكرك
جدا راائعه وصح لساان الشاعر

ولا تهوني اختي الاروع مرورك شكرا لكي

صح الله لسان الشاعر والله يزين الحال عما قريب ان شاء الله ولاهنت اخوي على النقل...