هدية الاربعاء....

كم راح من عمري وانا ودي اتوب=ولولا الهوى والنفس كان امس تايب
عشرين عام امنّي النفس يا ايوب=لين اكتشفت اني مع الوقت شايب
راحت حياتي بين طالب ومطلوب=ولي خاطرٍ لو طبت ماهو بطايب
اخاف من يوم به الموت مكتوب=لاحولو بي بين عوج النصايب
في منزلٍ مظلم عن الناس محجوب=محجوب حتى عن نسيم الهبايب
وصار الكفن يايوب يغني عن الثوب=وفارقت ربعي والاهل والقرايب
ما عاد فيها جاه واموال واسلوب=ولاعاد فيها حب خشم وطلايب
ولا عاد حولي شمر ولابه حروب=انا وملائكة الرضا والعقايب
خدعني التسويف واغرتني دروب=من يامن الدنيا وغدر النوايب
يالله يافارج على كل مكروب=ياواحدٍ بامرك تهون المصايب
يامن تقلب بين اصابيعك قلوب=خلقتها من بين صلب وترايب
ياغافر لمن جالك وكله ذنوب=عبدٍ ضعيف وجاك تايب ونايب
يارب لو قلبي صخر عندك يذوب=يامن لهيبتك الجبل خر ذايب
اتوب ثم اعود واعود واتوب=ما هي عجيبه وانت رب العجايب
من اللحد لين اللحد وقت محسوب=ما ضاع شي ومابقى شي غايب
يارب مالي غير رحمتك مطلوب=من لي سواك ان جيت يارب تايب
كم راح من عمري وانا ودي اتوب=ولولا الهوى والنفس كان امس تايب

مما راق لي وعسى الله يمهلنا التوبه...

قبورنا تبنا ونحن ماتبنا .
أحلى هديه . في أنتظار هدية الخميس
تسلم يمينك يبعد حيي .

صح لسانك نصراوي العصر
كلمات شاعرية تدل على ابداعك وتميزك الشعري
راق لي ما خطت اناملك تحياتي لك و.. تقبل مروري

اثابك الله اخوي وشاعرنا نصراوي
لاهنت ع الابيات اشكرك

اللهم آمين

الله يرزقنا جميعاً التوبه قبل الممات وحسن الخاتمه عند الممات والجنه بعد الممات

تسلم يمينك ياغالي كلمات تهذب النفس ذو معان كبيره

اللهم امين , صح لسانكــ

شكراً لكم جميعاً ولا هنتو على المرور...

الله يرزقناالتوبه قبل الممات وحسن الخاتمه
يعطيك العافيه ع الهديه القيمه
لاخلاولاعدم

اللهم امين يا نصراوي العصر لك ولكل المتواجدين بالمنتدى

لاهنتو المرور والله يكتب لنا التوبه قبل الممات والجنه بعده ان شاء الله..