مرثيتي بعنوان / سلطان الخير ،، و ،، نايف أمان الاوطان ،،

المرثية الأولى : سلطان الخير ،،
بفقدان صاحب السمو الملكي الأمير: سلطان بن عبدالعزيز رحمه الله رحمةٍ واسعه،،


...

يالله يامعبود يارب الأكوان = أجبر عزانا في فقيد ٍ فقدناه
رباه عبدك وان حصل منه نقصان = يارب بالحسنات طهر خطاياه
يوم أرتمى في حضن الأحزان ربان = غنت جروح القلب في داخلي آآآه
بوح الجواب اللي بلا قلب ولسان = ياكثر نوحي لاتخلويت كثراه
صوت الخبرموجع و موثوق الاعلان = صادر من الديوان مضمون معناه
ولاهز كون المملكه كاين ٍ كان = مثل الخبر ساعة بيانه سمعناه
أقسى خبر يطعن خفوقي بالأحزان = جزه من اليمنى لياحد يسراه
ترياق سم الروح بالكأس مليان = ساعة من الفرقاء ذحاحه شربناه
تموت به روح ٍ حيتبه على شان = حاضر وجوده ماتلاشت بقرقاه
دوّر بلد يحمل ملايين الأوطان = ورياض صدره من رحابة محياه
للخير بنك وللسخاء جود وإحسان = وللمد بحر ٍ لاتدفّق بيمناه
غيث ٍ هميله لأتزاهم .. وودان = يروي سناوي خدها لأنتثرماه
كم رووس يعتقها تحت حد شامان = وكم من فقير ٍ يشتك الضيم وأغناه
من يحصر أفعاله على مر الأزمان = يعجز عنه تاريخ مجده ٍ من أقصاه
ويالله عسى الجنه مقرٍ لسلطان = دار ٍ مع أهل الخلد تبرك مطاياه

أخوكم : سعد المسعودي
[ الحرالأشقر ]

المرثية الثانيه : نايف أمان الأوطان
بفقدلن صاحب السمو الملكي الأمير : نايف بن عبدالعزيز رحمه الله رحمة ٍ واسعه ،،

العلم يوم السبت سته وعشرين = أكد خبر ماثوق مصدر وعنوان
سلم وقال الله وديع ٍ خذا دين = نايف ولي العهد .. قفا بليهان
ومن فاير دموعي بكت له ملايين = هميل وجدٍ فوق الأوجان هتان
وطاحت على خد الشقاء دمعة العين = وأجتاحت العبره مقاديرالأحزان
العمر ماعمّر وعشناه عمرين = أما رحيله صبح ولاّ مسيان
الله اكبر صدمتي بالعزيزين = أحرق بقايا فالزمن كل ماكان
اقسى خبر يطعن خفوقي بسكين = مع نكسها يوم أشذبت عرق شريان
وضاق الفضاء واقول وش عاد بعدين = ماتنفع السلوه ولاضيق الأكوان
تموت به روح ٍ حيت به على الحين = حاضر وجوده ماغرب وسط الأعيان
ريف ٍ تحت كمه تعيش المساكين = تلقا مروفتها بعد جور الأزمان
وكم عاش في ظله شعوب وسلاطين = سكينة ٍ تظفي على كل الأوطان
الله يقوي من رفع راية الدين = وعال ٍ بصوته في مساميع الأذهان
مادام زين الوقت لوزان لك شين = ورمح الزمن مسنون والموت ديان
الموت أخذ ناس ٍ على القلب غالين = والموت حق وكلنا اليوم ضيفان
وين الرسل وأصحابهم واهلنا وين ؟ = دنيا الفناء واللي على وجهها فان
أحياء نموت ونخلق أحياء وماشين = سنة ولي العرش في كل الأحيان
بجاه من جوله حجيجه ملبين = تجعل لنا بجنة الخلد مسكان
يالله عسى نايف مفازه بعلّين = ويعرض مع اللي سلموهم بالإيمان
مرحوم يامن مات .. رأس الميامين = هذا قدر مكتوب وأجال الإنسان
ياحــــر نار الوقت في فقد الأثنين=نايف وأخونايف فقدناه سلطان
ويبقى الخلف نسل السلف رووس حيين = برأس أبومتعب والبقاء برأس سلمان
والختم قولوا كلكم قولوا أمين = يالله ترحم نايف أمان الأوطان

أخوكم : سعد المسعودي
الحرالأشقر

رحم الله اصحاب السمو الملكي الامراء سلطان ونايف وعسى الله يطرح البركه في خلفهم وايدهم بالراي السديد..

الله يرحمه يارب ولاهنت ياخوي شاعرنا المتميز
ع الطرح الرااائع يعطيك العافيه