ياليل ياعقدة طواغيت الايــَام ..!

صبآآآح /..مساء الخير للجميع


ياليل ياعقدة طواغيت الايــَام
ياراحة أبن آدم وساتر عيوبه

ياللي على حضنك غفت كل الاجسام
ياكاسي العاري من اطراف ثوبه

يااب الفقارى والارامل والايتام
ياسيدٍ كل الخلايق حكوبه

فيك أنتخينا واحتزمنا بك احزام
يوم النهار يخيَب اللي لجوبه

ياما بنينا فيك جدران الاحلام
نبني وحلم العمر ينهار طوبه

نبني خيامٍ من سراميك ورخام
أوهام في دنيا الخيال الكذوبه

نبني وظيم الوقت للحلم هدَام
ًً والصبر مفتاح الفرج والمثوبه

وياما وردنا عدَك الصافي هيام
من حر شمس القيض وزفرة هبوبه

مثل المطايا في العدي والترزَام
متسابقاتٍ للمدي في صبوبه

في ظلمتك صغنا القوافي والانفام
كم سامرٍ في وسط جوفك سروبه

شبنا وشمنا والبخت مثلنا شام
والسعد تاه وجاه قومٍ غدوبه

ضاقت خواطرنا ولآعاد نلآَم
حتى التنفس فيه ضيق وصعوبه

نصبح على صومٍ ونمسي على صيام
وشفوفنا لآدنَقت فمغصوبه

الوقت يركض والمواعيد قدام
والعمر يرجع والاماني لعوبه

والحظ من عثراتنا طاح ماقام
وكلٍ على الثاني كسب له عقوبه

آمالنا في الألف والميم واللام
ولولا الأمل متنا بسكته ونوبه

نخاف من بكره وكلٍ له اخصام
ومافيه نفسٍ كامله ومحبوبه

القبر يحفر والكفن ماله أكمام
والذنب متراكم ويالله توبه

لان الدجى مادآم والنور مادآم
والدايم الله والفرج في دروبه



ممـــــاراق لي ..

لاهنتي يالغلا للابيات الراائعه اشكرك
ارق تقييم

ابيات رائعه واختيار اروع
يعطيك الف عافية
تحياتي لك

ابيات راائعه
يعطيك الف عاافيه ع الذووووق
لاخلا ولاعدم

الله الله علييك وعلى انتقااءك الرائع الف شكر لك ولا خلا ولاعدم..

لا هنتي مشرفتنا "الغايبة ^_^"
إنتقاء جميل
ألف شكر



^_^

صح لسانك يالغلا ولسان قايلها
كلمات رائعة وجميله أهنيك على ذائقتك الرائعه
و الله يعطيك العافيه وتسلم يديك على الانتقاء المميز
بانتظار جديدك بشوق
أرق التحايا لروحك
وودي وباقات وردي

الف شكر ع التواااجد العطر

نورتــــــــــو ...ربي يعااافيكم

لاعدمتكم

الله الله الله
علي روعة الشعر عندما تخالطه الحكمه ويصيب المعاني
ابيات شعريه فيها قمة الحكمه .. تشكري طيف الذكريات
علي هذا الانتقاء الرائع لبحر شعري زاخر بكل سمـــــو
المعاني الباسقه .. دمتي ودامت ذائقتك الرفيعــــــــــه
لروحك جنان الورد
ضامي

اخوي ..ضااامي بطوله

الف شكرر على حضوركك الراااقي

نووورت ..