احضنيني . .

أحضنيني ..
فيك أنا ودّي أدور ..
أدور .. أدور .. أدور
وأقهر العصفور .. وأغصان الشجر !!
كل ماقلتي : أحبك
وقلت : يْ أجمل من حضر / فيك أنا جيت أحتفي !!
أحضنيني ..
مابقى للشمس شي وتختفي !!
يوم ناداها الغروب .. عجّلت فجأه الهروب !!
مالها وجه / بوجودك !!
من يلوم الشمس ..
والغصن الخضر .. لا ذبل / منهو يلومه ؟!!



طوّقيني مثل طيشي !!
طِيشي أكثر فيني طِيشي !!
بس فيك أن متّ / أمانه ..
عِيشي أكثر فيني عِيشي !!
عندي فكره :
خلّي نسهر / نقهر النجمه ..
ونقهر .. القمر لا شاف وجهك وقال :
وش أعذب وأطهر ؟!!
خلّي نجلس لين بكره ..
وش ورانا .. وش ورانا ؟!!
للغرام أحيان سكره !!
أحضنيني ..
وخلّي شعرك لا تناثر فوق وجهي / يقرأ مابين السطور :
الغلا اللي لك أشيله .. والمحبه والغرور !!
دامك أنتي تحضنيني .. الليله / وآنا فيك أدور !!
بلا شعور !!

يسلمووايديك على الانتقاء الرائع لاهنت

نورتي الموضوع بمرورك العطر
تشكراتي ،،

قصيدة رائعه
يعطيك العافيه
رائع في اختيارك
وسلمت اناملك
دمت بود

الله يسلمك ويخليك ..

ثانكس ،،