فضحهم كحيلان بعد ان نفذ صبره

اخطر مقابله صارت في تاريخ الكرة السعودية ..

اللي صار اليوم ماهو مجرد تصريح وتظلم ... اللي صار اليوم فضيحه سلطان بن فهد وزبانيته واعلان المواجهه العلنيه راس براس .. ماعاد فيه صياح ثم يسفهونا الى ان نسكت ونجلس نناقش خطه المدرب !


سلطان بن فهد واسير نفسه ارتكبوا غلطه عمرهم لما طلعو يتشفون في القرار ضد النصر ويعلنون تأييدهم له ويسكرون اي باب للاستئناف .. ويجي سلطان بن فهد بكل و.. يقول ماعندنا اعتبار لأي قيمه اجتماعيه !


اليوم كحيلان طالب الاتحاد السعودي انه يحقق .. وانه اذا مااعجبه التحقيق راح يرفعها للمحكمه الدوليه اللي هي اكبر منهم ... وانه يبي التحقيق يبدأ بعد خمس دقايق خخخ

كحيلان وجه تهديد صريح للجان نواف بن فيصل ... مفادها استرو على نفسكم وخلوكم اهل خير لان فيه فضايح موجوده ضدكم !


الظهور كان قوي قوي جدا .. ولله الحمد اكد لي اني ماظلمت ياسر القحطاني لما طلع خبر حسام وجيت وكتبت تطمنو حسام برئ .. وياسر هو المتورط .. وللأسف .. لعبو لعبتهم وماطلو في حسام وطلعو ياسر منها !

تتذكرون مقطع ياسر وهو يدعي الاصابه ويكلم سامي في اذنه بعدين سامي ارتبك وخلاه يطلع بالنقاله ؟ .. وقالو جاه كسر في مشط القدم وثاني يوم لعب !!


طيب تتذكرون هذا المقطع ؟



كلها ادانات واضحه .. رغم ان فيصل ماخلى عليه اي ممسك .. لم يذكر اسم النادي ولا اللاعب .. علشان مايزعجونا بالوطنيه وانهم لعيبه منتخب .. خلى كل شي على محمد نجيب .. وحتى السلهام كان ذكي وطالب برنامج كوره بتغيير العنوان ان كحيلان يتهم لاعب هلالي وقال هو ماقال هلالي !


---------------

الفضيحه الكبرى هو اتصال القمباز والسعيد ..

القمبااز اول شي يقول الارقام غلط .. ثم ذكر اول رقم صح اللي هو رقم حسام .. ولا كمل الباقي وقال برسلها !!!

ذكر تسلسل اخر الارقام وان اللعيبه تجي ارقامهم متتابعه ومتسلسله ..وهنا مسكه كحيلان وقال ليه رقم حسام ماهو متسلسل معهم ؟

جلس يتكلم عن الاوراق .. ثم ذكر انه غير معترف فيها !!! وان الاهم الشهادات !

ذكر ان المعمل غير معترف فيه وعنده اخطاء وتسكر .. طيب ليه وقفتو حسام ؟

كان يقلب في الاوراق .. طيب هل الاوراق معك في البيت ؟ هذي مصيبه ..... هل انت مداوم لـ 11 ونص ؟ .. اجل كيف كنتو تتعذرون اول ان الدوام ينتهي الظهر علشان كذا تأخرت بعض المراسلات مع نادي النصر ؟

وش عرفكم ان كحيلان ناوي يفضحكم واستعديتو في القنوات للظهور بهالمشكل الركيك ؟

بدر السعيد يفضح نفسه ويقول اخفينا بعض النتائج لان المعمل كان غير دقيق معها ... بس خلاص .. اقفلت القضيه ... ليه حسام طلعتو نتيجتها من هالمعمل الغير دقيق على حسب كلامك والغير معترف فيه على حسب كلام القمباز ؟؟


من هم اللي اخفيتو نتائجهم ؟!


طيب .. اذا كنتو اصحاب حق .. هل من المعقول .. ان النادي هو اللي يلحق وراكم يطلب اجتماع للتحقيق .. والا المفروض انتم اللي تجون وتقولون تعال يالنادي نوريك الاثباتات ونسكتك علشان ماتشوه السمعه ؟ ... لان اللي صاير .. مثل الرجال اللي يطلب الشرطه للتحقيق .. بينما المفروض الشرطه هي اللي تطلبه وتحرص اكثر منه !!


ليه الاتحاد السعودي توهق ومارد على الثلاث خطابات الي ارسلت ؟ .. وليه ماجيتو في موعد اجتماع التحقيق وسحبتو ؟

تقول يالقمباز ان احيانا ترسلون عشرين عينه في الباكج الواحد ... لكن هالمره مافيه الا اربعه وكلها في باكج وكلها بنفس التاريخ .. والرقمين اللي تعرف عليهم النصر هي ارقام حسام واحمد عباس .. معقوله كل هذي صدفه ان الورقتين الثالثه والرابعه ماتصير للهلال ؟؟


ليه التلعثم والتحجج بإرسال فاكسات بعدين .. ثم سحبتو ؟

ليه رفضت يالقمباز تطلع مع القريني وارسلت السعيد يتوهق لحاله ؟

ليه مارديتو ع الكويكبي لما قال انكم تسترتو على مهاجم شهير ؟

ليه مارديتو وعاقبتو فيصل الشوشان لما قال فيه عينات طلعت لاكثر من لاعب منتخب وتسترتو عليها ؟


اذا النصر غلطان .. ليه طول هالوقت يلاحقكم ويرجع يفتح المواضيع وانتم عمركم مابادرتو بفتحه ؟



----------------------------


بإذن الله انها راح تكون فضيحه مدويه .. واتمنى من الصحف الالكترونيه نشر الخبر وان المطلوب لاعب منتخب علشان توصل للجرايد الخليجيه والاسيويه ويبدأ الموضوع يكبر ويكون احتجاج قبل بدايه البطوله ..

الموضوع انكشف .. واذا سلطان طلع علشان يورينا قوته .. فبإذن الله هي خاربه خاربه وماراح نتراجع وراح نوريهم ان جدار النصر كان اقوى وان المسأله ماعادت مجرد كلام وصياح مؤقت ثم نرجع ونقول اي احسن 4-4-2 ولا 4-5-1


والله لايوفق كل ظالم ..
للامانه منقول

يعطيك العافيه مقال للعظم ويظهر كل غلطه لهم الله علي الظالم
جاء وقت الجد وقف اللعب والغش والخداع الله لايحرمنا طلتك يابو تركي

هو فضحهم بس هو شرشحهم

يعطيك العافيه
لاختيارك الرائع

اهم اغبياء لدرجة لايمكن لايشخص يتوقعهاا
قناة ابو ظبي تركز عليهم خصوصن بعد طردها من سلطان
في المرمى برنامج ناجح وعرف كيف يدق عليهم
اعتقد سلطان ماله غير خل واحد اذا نفاخ وكابر اعتقد بيروح فيها
خصوصن ابو تركي قال كلمه حتى في الاتحاد الدولي فيه رشاوي يعني ترى فاهمين الوضع زين
سلطان يخاف من الاعلام الهلالي لكن الان مافيه له مخرج ياروح مابعدك روح
اذا حاول سلطان بن فهد ترقيع الموضوع مع ابو تركي
اتمنى مايوافق ابو تركي ان الموضوع ينتهي نهائي
وقال كلمه ثانيه الكل يشتكي من الاعلام وخصوصن اعلام واضح وذكر الامير خالد بن عبدالله وغيره يعني ترى فاهمين ان الاعلام الهلالي يمشى الامور
والدويش ماقصر قال كلمه طيبه اي حكم يغلط مع اي نادي لا يعاقب لاتقيه موجود ويصل الشاره الدوليه الا الا اذا كان الحكم غلط مع نادي واحد طبعا المقصود الهلال وهنا طبعا مايقدر يقول الدويش على الهواء مباشره الحكم اذا عدل في مبارات الهلال ينطرد

الكوره متدهوره من يوم مسكها ابو الشباب ؟؟ وهذا يدل على الظلم الي يعيشه

يوم ايام العدل والكوره السعودية بخير ...

اشكرك


هذي قضيه من ضمن القضايا اللتي سوف تمر بسلام ولن يحقق فيها لان الجهه الطالب لتحقيق النصر


نتمنى لنصر التوفيق

عزالله ان ابو تركي كفو والله يكون في عوننا تجاه من يظلموننا.....

بصراحه كل شيء وضحك كحيلان
وننتظر ماذا ستكون النتائج
بعد هذه الفضائح المدويه

انا كل الي قهرني طلوع المهنا ورتباكه الواضح على الرياضيه السعوديه عفون
الرياضيه الهلاليه

استعرض 132 لقطة تلفزيونية أمام حكامه
المهنا يحاصر العريني بأخطاء النصر
سعود الحواس ــ الرياض

واجه رئيس لجنة الحكام عمر المهنا، حكامه بالأخطاء التي شهدتها الجولات الأخيرة في دوري زين، والأحداث التي صاحبتها في المباريات بـ 132 لقطة.
وكانت مباراة النصر والتعاون سجلت أكثر اللقطات التي توقف عندها المشاركون، وبدأ عمر المهنا بالإشارة للمباراة وما واجهه من انتقادات، وقال: لم يمر لي موقف منذ عشرين عاماً مثل هذا الموقف، في إشارة للأخطاء التحكيمية والغضب الجماهيري من جراء أحداث المباراة.
وكان المهنا طالب الحكام عدم احتساب أخطاء على بعد 25 ياردة دون التيقن من حصولها، في إشارة لضربة الجزاء المحتسبة على النصر، والتي أكد أنها غير صحيحة، كما لام المهنا العريني في عدم طرد اللاعب الألباني منصور كوتسي عند لعبه الكرة بعد الصافرة وهو يحمل بطاقة صفراء، كما أشار إلى أن خطأ لاعب النصر عبدالكريم الخيبري لا يستحق بطاقة حمراء وإنما صفراء، وتناولت اللقطات هدف التعاون الأول وأنه خطأ في الأصل لمصلحة خالد الزيلعي قبل خطأ التعاون، حيث برر العريني ذلك بتوقعه أن هناك مبالغة في السقوط من الزيلعي.

................

ولا تنسا ان المهنا اعترف إعتراف صريح
بان الحكم ظلم النصر
بس الي يقهرك ليه مايعيدون المباره
ولا خلاص هو المقصود منهاا صدارة الولد المدلل
وتم تنفيذ المهمه بنجاح

نطااااااااااااالب بإعادة المباراة النصر والتعاون

وكحيلان كشف المستور ولا لا لا للمجاملات على حساب العالمي .. كفوياكحيلان والله مالهم غيرك ذكرتني بهيبت
النصر ايام الرمز رحمه الله هذا الرئيس والا فلاااااااا 304):

مشكوووووور والله يعطيك الف عافيه