|
|
|
| التميز خلال 24 ساعة | |||
 العضو الأكثر نشاطاً هذا اليوم |
الموضوع النشط هذا اليوم |
المشرف المميزلهذا اليوم |
|
فارس البقمي |
ذهٌٍîًàيû è êàôه
بقلم : bozRoabs  |
قريبا |
|
 |
|
 |
 |
|
 |
||||||||
 |
|
 |
| منتدى سعة الصدر ..:: مواضيع سعة صدر وألعاب ومسابقات وإستراحة لأعضاء جماهير الوفاء .. ::.. |
 |
|
|
|
|
|
|
|
|
|
|
|
|
|
#1
02-13-2011, 09:18 PM
|
||||||||
|
||||||||
واحد راح يخطب
واحد يخطب السلام عليكم ورحمة الله وبركاتة القصة تفطس من الضحك اقولكم القصه الرجال.......... يقول؟ حبيت أحكي لكم اليوم عن خطوبتي وبالتحديد أول يوم رحت أشوف فية خطيبتي طبعاً البنت راقية و سنويا تطلع مع أهلها إجازة أستجمام في سويسرا وأهلها أغنياء جداً ماشاء الله لكن فيهم تواضع جميل وماينظرون للمظهر بقدر ماينظرون للجوهر وهذا الي خلاني أتجراء وأخطب بنتهم ,, ووافقوا الحمد الله لأسباب أمنية المهم جاء اليوم المهبب بالنسبة لي والي هو يوم شوفة البنت طبعا أنا آخر بنت شفتها هي بوسي ايام التلفزيون ألأسود والأبيض بعدها أنقطع البث التلفزيوني عن حارتنا وصار مافية صور ترمز للأنوثة في مخيلتي غير أمي وخواتي الله يحفظهم والباقي شنابات المهم أنا مو متعود أشوف بنت قدامي بدون عباية أو حتى مطلعة عيونها كيف عاد اذا شفت بنت لابسة فستان من باتشي وتسلم علي طبعا اكيد راح اهبب وفعلا هذا الي صار الوالدة الله يحفظها عارفتني الذوق بدولة وانا بدولة عشان كذا كانت هي وخواتي كل الليل يعلموني الأتكيت وفن التعامل مع الآخرين .. وكيف أحكي مع البنت الذوق طبعا كنت متكشخ على الآخر ,, لدرجة العطر استعملت علبة كاملة حتى الجزم الله يعزكم عطرتها المهم رحت لهم البيت وقبل ما أوصل بيتهم وقفت عند محطة شلت الحذاء ولبست كندرة أعزكم الله ( كنت مخبيهم آخر شيء لانهم جدد وما ابغاها تتوسخ والبنت ماشافتني لابسهم) طبعا أكتشفت أن الكندرة الي أنا لابسها ضيقة بشكل لايطاق بس أيش اسوي أختي موصيتني تقول لازم تلبسها ما ابغاهم يشوفوا اصابيعك الي زي الفطر والله مافيهم شيء حلوين بس هي دقيقة بزيادة المهم لبستهم ودخلت بوابة القصر بسيارة ودعست ورد مادريت أحسبه أسفلت طلع مسطحات خظراء المهم وقفت السيارة ونزلت ومشيت للباب الداخلي للبيت طبعا الي يشوفني وانا امشي يقول هذا أكيد عندة أعاقة أو يعاني من عاهه أبدية (( طبعا بسبب الكنادر ضيقة مرة ومو قادر أمشي والله بس قلت يالله كلها كم خطوة وأفسخها)) استقبلني ابوها عند الباب الداخلي للقصر ورحب فيني أشد ترحيب وأصر علي أني أدخل جوات البيت بالجزمة اعزكم الله وقال هم يسوو كذا لان ارضية البيت رخام زي الحرم طبعا دخلت للبيت وامري لله مجبراً أخاك لابطل ولما وصلت نهاية المجلس كان الدم محبوس في سيقاني ومتجمع في الركب ورجولي ناشفة مافيها دم طبعا قدمو لي الشاي والقهوة وكان الشاي تبعهم مررر بشكل لايطاق ( أختي تقول السكر تلاقية مكعبات في علبة كريستال!! ) المهم بعدها قالي ابوها انت مستعد ابغى انادي البنت قلت لاوالله ماتناديها أجلس يارجال خلني اسمع علومك 'طبعا أنا مرره مستحي وابي أتهرب ' قال أنت جاي تخطب ولا تسلم قلت طيب لازم اشوفها عادي ماعندكم نمونة ( أختها الصغيرة مثلا ) قل لا ما ابغاك تقول ماشفتها قلت أستحي قال عادي بجلس معك (قلت بقلبي توي ما أستحي صدق) طبعا قام ونادها ,, أنا كنت جالس أتأمل في رجولي من الحياء ما أسمع الا كعب البنت وكان مع كل طقة للكعب 10 طقات لقلبي ,, لين جلست قريبة كان قلبي شوي ويوقف قالت : السلام عليكم أنا أرتبكت ورديت عليهاوقلت : السلام عليكم !! طبعا انا من هنا بديت أهبب لاني أشوف سراب فستان بنت على الأرض جالسة قدامي طبعاً كنت مازلت اتأمل برجولي من الحياء قام ابوها قالي أتكلم معها عشان تقدرون تشوفون بعض قلت : أأأأأ أأأأأأأأأأأأأأ أأأأأأم م م م م م م م كح كح ثم سكتت قال أسئلها طيب قلت بسرعة : ماعندي أسئلة ولا شروط والله !! ههههههههههه قال طيب أسئلها وين تدرس قلت عارف سنة ثانية في الجامعة قال أسئلية أنتي ,, ماردت علية وكانت مرة مستحية قام قال يالله أسئلية عشان يشوفك طبعا انا في ها الاثناء جاني ضعف حاد في حاسة السمع قامت سئلتني أنت : مدرس قلت لا أنا مدرس ( أحسبها تقول أنت تدرس ) أبتسمت ونزلت راسها قالها أبوها ارفعي راسك يالله وأسئلية ,, أستحت في البداية بعدين قالت: كم عمرك قلت 8 الآف ( أحسبها تقول كم راتبك ) هناابوها مات ضحك ,,وهي كمان ضحكت شوي وهي مستحية طبعا أنا ماادري وش السالفة !! بعدها كانت بتقوم لكن ابوها أجبرهاتجلس ,, لانهاكانت مرة مستحية وكاتمة ضحكتها بعدها قالها يالله كملي .. قالت : متى أنت متخرج قلت في الأجازة الجاية أو زي ماتحبون ( أحسبها تقول متى تبغى نتزوج ) طبعا هنا انفجر أبوها من الضحك ,, والبنت صارت تضحك وأستحت وقامت تركض ودخلت البيت طبعا انا قلت أكيد شكلي فية شيء غلط ( قلت يمكن عقالي يضحك زي العادة 'مفتوح أقصد' ,, أو فية صرصار رايح جاي على راسي بس قلت لا بيتهم قصر وأكيد مافية صراصير ) لما خلص ابوها ضحك قالي هاه أعجبتك البنت ؟ كان نفسي أقول حلوة بس أخاف يذبحني ,, قلت له برسلك ردي على الجوال ثم أستاذنت وطلعت وأنا مدري لية يضحكون !! لين هي علمتني لية بس بجد ياناس مجلسهم ماشاء الله كبير ومترامي الأطراف لدرجة انو المسافة الي بيني وبين طاولة الشاي تقريبا مساحة ثلاجة
|
|
02-14-2011, 06:14 AM
|
#3 | |
|
إدارية سابقه
|
 شئ محرج مره ههههههههههههههههههههههه انا مت ضحك وانا اقرا الموضوع ومتخيله شكل ابو البنت اكثر شئ وهو فاااطس ضحك عليه ههههههههههههههههههههه اشوا ماقال ماينفعنا هذا مايسمع مضبوط هههههههههههه يعطيك العافيه على الموضوع الحلو |
|
|
|
|
| الكلمات الدلالية (Tags) |
| يخطب, راح, نادي |
|
|
|
|
|
|
|
|
||||
|
|
|
|
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| الرائد يخطب ود هزازي كلاعب “هاو” | الذئب البشري | منتــدى الكــرة السعوديــة | 4 | 01-15-2014 09:12 PM |
| شاب أراد أن يخطب فنظم قصيدة واقعية | رمزالنصر | جــزالــة الــقــوافــي | 5 | 10-07-2011 05:44 PM |
|
|
|
ادارة المنتدى غير مسؤوله عن التعامل بين اﻻعضاء وجميع الردود والمواضيع تعبر عن رأي صاحبها فقط |
|
|
 |
العرض العادي
