ي بنت

بسم الله الرحمن الرحيم ....

السلام عليكم ورحمة الله وبركاته ...



يابنت ياللي تطوي الثوب الارداف
شط الحوار بدر بكر يميحه
في مرتع ٍ عشبه تغريف تغرياف
وامه هجل ماشملوها منيحه
والعنق عنق مذير ٍ عقب ما شاف
بواردي ٍ لا قف ٍ له بضيحه
والعين عين موحش ٍ راس مشراف
يملا عيونه بالفجوج الفسيحه
يابنت مانرضى المهونه والاضعاف
ولنا علي روس المشاريف صيحه
فينا صفات الطيب يابنت الاوصاف
ماتنطبق في غيرنا يامليحه
دخلينا يرقد وراء الوجه ما خاف
يامن وتحماه السلوم الصريحه
ناسم عصاه ولويبي حج واطاف
تحت الحما ما واحد ٍ يستبيحه
ونفوسنا دايم عفيفات وانظاف
وابداننا من كل عله صحيحه
صاحين صافين المشاريب واشراف
ماناكل الترديه والنطيحه
صلبين في وقت الشدايد وعراف
منا المشوره واختيار النصيحه
وان ثارت الهيجالنا وسط واطراف
وجه الحريب نقنعه بالفضيحه
واكرام لو يلحق بنا نقص وخلاف
نملا الصحن ونلحفه بالذبيحه
يوم السنين الماضيه حيل وعجاف
ينقر لنا من هبة الريح ريحه
والعيشه اللي تدبل البد تنعاف
النفس عن ما تكرهه مستريحه
دنيا تموج ولا رسمنا لها اهداف
ياما تحتها من فعول ٍ قبيحه
تجهز الغازي وتسرع بالانكاف
ولا تنكف الا بالفلس والقميحه

ابيات راائعه ولاهنت
الله يعطيك العافيه

والعيشه اللي تدبل الكبد تنعاف
النفس عن ما تكرهه مستريحه

دنيا تموج ولا رسمنا لها اهداف
ياما تحتها من فعول ٍ قبيحه

الله الله

ابيـــــــــــات في قمة الرووعه

تسلم على الاختيار الراااقي آخوي

لااهنت ..

ابيات رائعه
الف شكر #

شكراً على النقل ولاهنت...

لا هنت النصر بعيوني
ألف شكر عالأبيات
^_^