البنت من رجالها والخيل من خيالها

البنت من رجالها والخيل من خيالها
والضبعة العرجا تحوم تبي عشا لعيالها

هذا من الشعر القديم ماقالها عبدالكريم
امثال من قول البدو مدري من اللي قالها

الفطن يفهم مقصدي ومالي ومالك يالردي
لاضاقت الدنيا على سلمى تهز اجبالها

ماضيق لو غيري يضيق وماهو موقف لي طريق
وعيال شمر لابتي صكت على رجالها

عبده مع الصايح جميع والشمريه ماتضيع
شمر لاضاق الزمن كلن يقول انا لها

وانا غريري يابعدي حفيد ابن حاتم عدي
عيال عديه العدوات كلن يعرف افعالها

يابنت قومي والعبي ابي اتفاخر بانسبي
من غبنها بعض النفوس يصيبها سلالها

تفاخري بي يامره الذل مافيه اثمره
كما سربة من ذلها كلن شرب فنجالها

صرنا طنايا من طنا ماهو طرب ولا غنى
اشد لحظات الزعل فال الله ولا فالها

مافيه نجدي وجزري الشمري هو شمري
باي ديره فيها نزل زم الحمول وشالها

فيني حميه واسلمي واهل الحيسه محزمي
لاعدت بيوت العرب متشيدآ منزالها

ولاصرت عبدي ضيغمي سنعوس دمي ولحمي
عبده سناعيس الفخر تعجز تعد ابطالها

وان قلت سنجاري فخر اهل المراجل والسطر
شيوخ شمر منهم الي يضل اضلالها

عرب وليدك عربه وكاس المراجل شربه
وخل العلوم مفرقه من دقها واجلالها

مايزعل الناس المديح خصن اذا مدحك صحيح
والعفن تلقى المرجله تقصر عليه احبالها

واعرف لو طال الزمن الطيب يبقى له ثمن
واعرف ترى نفسك تبي تجزى بنوع اعمالها

وانا ولاني مستضيق ولا موقف لي طريق
وعيال شمر لابتي صكت على رجالها
..........................
رااااق لي

صح الله لسان الشاعر الكبير عبدالكريم الجباري ولاهنت على النقل،...

صح لسان الشاعر و سلمت الايادي يالحجازية
ألف شكر
يعطيك الف عافية
^_^

روعه ماشاء الله
تشكراتي يالغلا للابيات
ولاهنتي
ودي,

قصيدة رائعه للشاعر المبدع عبدالكريم الجباري
يعطيك العافية ع الاختيار المميز
تحياتي لك
جوجل

رووووعةةة <3
سلمتي على طرحكك واختياآآرك الرائعع <3
يعطيكك الف عاافيه ة ’ $
واصلي في اختيارك للأفضل !!
دمتي بخير : $

عوافي ع المرور الرائع ي لغلا

صحح لسآآآن عبد الكريم الجباري

وسلمتي يالغلااا ع الانتقاء الرااقي

لاعدمناك

عوافي ع المرور الرائع ي لغلا

وربي روووووووووووووووووووووووعه

يالبى السناعيييييييييس

يسلمو على النقل غلاتي ^^