قصيدة عشق النصر للشاعر /عوض سلامه العنزي في صحيفة الساعه

عشق النصر ياناس ماهو بعادي === تعجز تترجم عشقه اشعور واحساس
وعشق النصر ياناس ماهو إرادي === ميزه عطاها خالق الناس للناس
يبــقى مكــانه لين يوم الــتنادي === منصته بالقلب من بين الاقواس
ماهــمنا يالعــالمي كــل غادي === اللي يحسب العشق يشرى بالاكياس
رغم الغياب ورغم طول ابتعادي === عن البطوله يكفي اسمك عن الكاس
علامتن من بين كل النوادي === جمهورك اللي بالوفا يرفع الراس
شعبيتك دايم وهي بزديادي === وغلاك ماله عندنا حجم وقياس
بقلوبنا باقي وتبقى ريادي === بك مانطاوع ثرثرة كل بلّاس
ماغيرك اللي للبطولات سادي === امجاد ماتحصى بموقع وكرّاس
من هيبتك يغشى الخصوم ارتعادي === من خوفهم بقلوبهم دقت اجراس
شمسك كست شتّى ربوع البلادي === وللموج تجرح حتى في وقت الاغلاس

الشاعر / عوض سلامه العنزي

صحح لساانكك كفوو هذاا الحتسي هع

اشكرك اخوي راائعه ربي يوفق نصرنا

صحححححح السانك يا مجنون في حب النصرررر مرررررة حلو الشعر

صح لسانك وبيض الله وجهك يا ولد عنزة وافي الله يطول عمرك

صح لسان الشاعر وتسلم يمينك على نقلها أخوي الغالي

بالتوفيق للعالمي

ألف شكر لك

صح لسانك روعـــــــــــة
بالتوفيق لنصرنا الغالي

صح لسانك م قصرت