إكبر معاي شوي

السلام عليكم ورحمة الله وبركاته
صباحكم / مساءكم كما تحبون

مدخل :
صباح الخير ..
وتخنقني حبال الذاكرة ،
وامضي ادوّرهم ..
يا فيروز .. اسكتي ؛ اسمع خطاويهم !
ولا تسكت ،
واضيّعهم !
والاقيهم !!
على آخر هالنفق مقفين الاقيهم ،
واناديهم !
ويعبر هالمدى صوتي ،
ويتسلل لهم .. يحضن أذانيهم :
أنا أحمد !
تركتوني ورحتوا ..
ما أخذتوني !
عرفتوني !!
عرفتوني !!!
عرفتووووني !!



وتعتقني حبال الذاكرة : اصحى !
صباح الخير !!

غير ضيق صدور .. حبك وش يجيب ؟
لا تضيق هالفضا فيني .. أمانة !

هذا انا .. كل ما يجي غالي ، يغيب !
ويغرس ذكرى زمانه في مكانه ..


كل ما أسقيتها .. جرحي يطيب ،
وكل ما يبست .. بكى جرحي زمانه !


عشت بـ بلادي عن بلادي غريب !!
كل شي يمرّني سابق أوانه ..


والغريب يكون بالغربة أديب ،
ما يمرّ الليل به في حضن حانة !


ينشر أحلامه على حبل النصيب ..
في رجا يومٍ قضى عمره عشانه ..


في غصن صدره بنى عش لـ حبيب ؛
طاحت اعواده ، وفقر الحال خانه !


يختنق لا بانت الوان المغيب ،
وكل صبح يعيد للبال اتّزانه ..


جاي تطلب مني ابقى لك قريب ،
وامنيات القرب في عمري جبانة !


لا تمنّيني احب ، وانت اللبيب ..
لك عميق القلب يبدي امتنانه ..


( ماني ابـ ناقص احب ، ارجوك .. غيب ! )
قبل احبك .. لا تعلقّني ، أمانة !!

مخرج :
اسكب على ليل الطريق الضي !
اسقِ الأماني مي !
سوّ ايّ شي !
مـ اقدر على هذا العمر وحدي ؛
اكبر معاي شوي !

الحب يحتاج لـ زمان اقدم من الماضي ،
واصدق من الحاضر ،
واجمل من القادم ،
عشان احبك فيه !

الحب يحتاج لـ تعب كثر العتب منّك !
ولا تزعل ان ما جيت ..
ازعل انا عنك !
وان مرّتك غفوة زعل ؛
طالبك ..
تكفى عيّ !!
واكبر معاي شوي !

يعطيكى الف عافيه

عليكم السلآم والرحمه
ومسائك وصباحك دوما سعيد
بارك الله فيك مدخل وابيات ومخرج جميل جدا اشكرك
يالغالية^_^

عليكم السلام ورحمة الله وبركاته صبحك الله بالنور والف شكر لك على نقل هذه القصيده الروعه ولاهنت...

يسلموو ع مروركم العطر
لاخلاولاعدم

يسعد صبااحك ي لغلا جميل جدآ تسلم الا يادي ي قلبي

عليكم السلام ورحمة الله وبركاته الله يصبحك بالرضى والعافية
قصيدة جميلة جدا والمدخل والمخرج لايقل عتها جمالا
يعطيك العافية طبعي الوفا
تحياتي لك

يسلموو ع مروركم العطر
لاخلاولاعدم

مشكوره اختى
انتقاء متميز
ضامي بطوله

يسلموو ع مرورك العطر
لاهنت