قصيدة ( صورة إنسان ) شعر عبد الله بن غيلآن

صورة إنســـــــــــــــــــان


هدم قلبي رحيلك ماني بقاوي -- ويا البشر أمشي ولاكني إنسان
جيتك أنا ويا الوفا كنت متخاوي -- لكن رحلت وخاطري منك زعلان
ياهو قهر وإنت بنظر عيني مداوي -- طيبت جرح وجدت جروح الأحزان
ماني لعوب وتوني بالحب هاوي -- عندي من الأشواق مايكفي أوطان
مافي اللقا والبعد شي متساوي -- يذبحني بعدك واللقا ورد ريحان
يامعذبي هونك ترى الوقت خاوي -- شوف الشعر شيـّـب والشيب تبيان
ماعاش منهو للردي أصبح مخاوي -- أهل الوفا يبقون للطيب عنوان
وإحفظ غياب العشير بلا رشاوي -- من يحفظ الأحباب ماهو بخسران
وسو الجمايل دون ترجي العطاوي -- يجزيك منهو رتّـب فصول الأزمان
ياللي غلاتك بالحشا ( ش ) إنت ناوي -- يومك تشوف اني أحبك وشفقان
إن كان ودك أمشي دروب الشقاوي -- مشيتها مبطي على دمع ولهان
يامن رسمتك فرحه تزيل البلاوي -- مو كافي بعدك تنزوي لي بهجران
كنت أدعي بدمعي وكلي رجاوي -- لرب البشر والناس ماتعيش تعبان
واليوم شفت شلون صعبه الهقاوي -- ضاع اللقا والبال من وقت حيران
أضميتني بعد العطا وإنت راوي -- خليت قلبي داخلي مات عطشان
إن كنت قاوي البعد ماني بقاوي -- ميت ولكن صورتي صورة إنسان

شعر : عبد الله بن غيلآن النصرآوي

ابيات جميله ماشاء الله ولاهنت شاعرنا ارق تقييم

روحي العالمي

ولاتهونين الله يعطيك العافية

تقبل خالص الشكر والتقدير

صح لسانك وعلا شانك
يعطيك العافيه اخوي الشاعر ع الابيات الرائعه
لاخلاولاعدم

طبعي الوفاء

الله يعافيك من كل شر ، ولاهنتي الله يبقيك

صح الله لسانك اخوي عبدالله والى الامام ان شاء الله...

نصراوي العـــصــر

صح بدنك ياخالي ولاهنت

تقبل خالص التقدير

ابيات جميله ماشاء الله ولاهنت شاعرنا ارق تقييم