الضيقة

الضيقة اللي دايما تالي عصيـــــــــــــــر
وش حيلتي وأردها لا تجينـــــــــــــي

لا طال ظل العود حزة عشا الطيـــــــــر
كنها على سجن الحديد تحدينـــــــــــي

يضيق صدري كل ما جات وأسيـــــــــر
ولا يخفف سوج رجلي حنينــــــــــــي

لا حولنا مشراف ولا أقدر أطيـــــــــــــر
يالله قسمة خير لا تبتلينـــــــــــــــــــي

وعقارب الساعه توقف عن السيــــــــــر
ولا كن في الدوحه سواتي حزينــــــي

والعبرة اللي تاصل الحلق وتحيـــــــــــر
يا قربها لو قيل لي يا عوينــــــــــــــي

أمل شوف الناس ورد ومصاديـــــــــــر
واللي يقول شفيك كنه يهجينـــــــــــــي

يعني على ما قيل من باب تصويــــــــر
لا احدن ابي قربه ولا احدن يبينـــــــي

أروح أدور خط مابه دواويـــــــــــــــر
وأدور اللي هادها تهتدينـــــــــــــــــــي

وآخذ مع الهاجوس سجة وتفكيــــــــــر
و أراجع اللي فات بيني وبينـــــــــــــي

وأحسب ذنوبي وأدور لتكفيــــــــــــــر
عساي ما قصرت في والدينـــــــــــــي

وعساي ما قارنت من ينفخ الكيـــــــــر
واللي يحمل المسك جعله قرينــــــــــي

ويطري علي يوم الحشر واطلب مجيـر
معطى كتابي في شقيقة يمينـــــــــــــي

ويطري علي صدقان كثر الدنانيــــــــر
اللي تعاديني إلى كثر دينــــــــــــــــي

وراع الهروج اللي سوات المناشيــــــر
أصد عنه وأدري أنه يعنينــــــــــــــي

و الى طرالي واحدن كانه صغيــــــــر
أما أصغر بيومين والا سنينــــــــــــي

دريت وش قومي وعينت تفسيـــــــــر
للضيقة اللي من زمن تعترينــــــــــــــي

حبه بصدري سالفة سر في بيـــــــــر
وكن الفؤاد يقول هذا زبينــــــــــــــــــي

أشفق على علم يجي منه من غيــــــر
ما يسمع اللي سولفوا به ونينـــــــــــــــي

العام أجيهم من حساب المساييــــــــر
واليوم حال عداي وينه ووينـــــــــــــــي

يا كثرهم غيره ولكن خبر خيـــــــــر
ما غير شوفه بالوجود يهنينــــــــــــــــي

رايي كذا يا عاشقين الغناديــــــــــــر
ماله على وجه البسيطة وزينــــــــــــــي

خطاي تعليق الامل في المدابيـــــــر
الين راح وشفت حقري بعينـــــــــــــــي

صبرن جميل وخابر انها مقاديـــــر
والله على تخفيف حزني عوينـــــــــــي

ذي حالتي لين اتغبا الشمس واصير
معطى سراحي عقب ماانا سجينــــــــي

والى امتلا جوف الشجر بالعصافير
طلبت من رب العباد يهدينـــــــــــــــــي

يعتقني المذن عقب ضيقة عصيـــر
اللي على سجن الفراق تحدينــــــــــــــي

محمد بن فطيس

الضيقة اللي دايما تالي عصيـــــــــــــــر
وش حيلتي وأردها لا تجينـــــــــــــير
راق لي الابيات اشكرك جوجل مراقبنا الرائع
يعافيك الله وللاختيار المتميز الغير مستغرب منك
تستاهل مني ارق تقييم
ودي,.

احسنت وابدعت
لاهنت

يعطيك العافيه ع الاختيار الرائع
لاخلا ولاعدم

تسلم يمينك استاذي الغالي جوجل
وصح لسان بن فطيس
ابيات في قمة الروعة
ألف شكر لك يالغالي

شرفني مروركم
تحياتي للجميع

يعطيك العافيه سلمت يداك ابيات جميله ورائعه
ربي يوفقكك