يالحزن ليتك مثل دمعي .

صــعب لا منــــك فشلت وصـــعب لا منك لقيت
ان من يكره نجاحك يدري انك ما نجحت

امس ضقـــت ورحـــت اقلب ذكرياتي وانتهيت
عند صورة طفل صوته مثل صوتي لانجرحت

وش مثــــل؟؟ لا والله الا هذا انا يـــــوم ابتديت
انطق حروف تلعثم في لساني لا مدحت

هذا انا يـوم الحـــياة في نظـــرتي عشرين بيت
ومسجدين ومدرسة من طين كم فيها اصطبحت

هذا انا واصبــحت اتمتم هــــذا انا حتـــى بغيت
اختنق بس القدر عيا على موتي وطحت

وصاح صوت الطفل فيني انت من وين ارتميت
قلت انا المستقبل اللي فيه كم همت وطمحت

امس كنت ابيـــــك تكبر بس والله لـــــــودريت
اني اللي عشت لاجله مت عندك واسترحت

لو دريت ان الزمــــان يجــــر رجلــــى ماعديت
ولو دريت ان البحور بلا مواني ماسبحت

كـــــان دربك لي طويــــل وكـــل ماشفتك هويت
قلتلك كبوه جواد وماكبيت الا جمحت

ليــــــه تسمعنــــي وتمشى اه ليتــــــك مامشيت
واه ليتك من كثرعثرات الايام انتصحت

ضاعت احلامي وظل الحزن فيني واهديت
للطريق اللي يوديني على دمعي ورحت

يالحزن ليتك مثل دمعي وتنزل لارقيت
بس اعرفك لومسحت الدمع تبقى ماانمسحت

كان حلمي في وجود انسان يبكي لابكيت
وصارحلمي في وجود انسان يفرح لافرحت

كنت اشوف الناس مثلي كل ماجعت وضميت
ومادريت ان الاوادم ناس فوق وناس تحت

اه يا اول ذكرياتي خذني في حضنك نسيت
لاسالك عن وجه ابوي اللي معه ياما سرحت

خذني في حضنك بغفى يااااه مبطي ماغفيت
وانلمحت دموع عيني سو نفسك مالمحت

خذني بحضنك وبعثر في جروحي وانقضيت
هز لي كتفي وقل عيب تبكي لو سمحت

اضحك وعلم زماني من انا ومن وين جيت
طق باب الحزن واصرخ فيٍ لامني فتحت

وضمني يمك وكمل ضحكتك لامن بكيت
ودي اذكر كيف كانت ضحكتي لامن فرحت

الله يعطيك العافية يالغالي الذئب البشري
كلمات رائعة وجميلة
مشكور يالغالي
ـــــــــــــــــــ
اعتذر عن الغياب

سلمت ايدك اخوى