10-01-2016, 06:34 PM
|
|
|
حكم وأمثال شعبية سورية
ضرب المثل يعد من أكثر الأشكال التعبيرية الشعبية انتشارا وشيوعا، ولا تخلو منها أية ثقافة، إذ نجدها تعكس مشاعر الشعوب على اختلاف طبقاتها وانتماءتها، وتجسد أفكارها وتصوراتها وعاداتها وتقاليدها ومعتقداتها ومعظم مظاهر حياتها، في صورة حية وفي دلالة إنسانية شاملة، فهي بذلك عصارة حكمة الشعوب وذاكرتها. وتتسم الأمثال بسرعة انتشارها وتداولها من جيل إلى جيل، وانتقالها من لغة إلى أخرى عبر الأزمنة والأمكنة، بالإضافة إلى إيجاز نصها وجمال لفظها وكثافة معانيها.
الأمثال الشعبية تختلف في ألفاظها ولكنها تلتقي في مضمونها مع اختلاف مصادرها , وبكل بساطة الأمثال تعبير عفوي عن موقف أو حدث موجز لحد البلاغة. وتحتل الأمثال جزءاً هاما ً من التراث الشعبي السوري المحكي حيث تعتبر توثيقاً للواقع وللحياة الشعبية في فترة الحكم العثماني لبلاد الشام، ولاسيما المجاعة التي حلت بالبلاد خلال ما عرف ب (السفر برلك) حيث لم يبقَ فيها سوى النساء والأطفال والعجائز، ثم فرحة الناس بدخول الملك فيصل الأول وتتويجه عام 1918 حيث بقيت الشام سبعة أيام بلياليها ترقص حتى الصباح.
أمثال
- يلي ما داق (ذاق) المغراية (عصا تستعمل لحرق الغراء المغلي) ما بيعرف شو الحكاية. ويقال للجاهل عما يدور حوله
- يلي ما بتزينه عروقه, مابتزينه خروقه (لباسه). يقال للأصيل
- خطف الكباية من راس الماعون (الصحن). يقال للمتسرع في الامور
- مو (ليس) كل مين صف الصواني ال (قال) انا حلواني. يقال للمتعدي على المصلحة
- اذا صاحبك عسل لاتلحسه كله. يقال للطمع بالشيء
- يلي بيته من ازاز (زجاج) ما بيضرب الناس بالحجار. يقال لمن يتهم الآخرين بشيء وهو فيه
- عميل منيح (خير) وكبه (القيه) بالبحر. يقال للحث على فعل الخير من دون انتظار ثواب
- يلي ما بيحضر ولادة عنزته بتجبله(تأتي له) جرو. يقال للاعتماد على النفس بالعمل
- من بعد حشيشي عمره ما ينبت حشيش . يقال للأناني
- حط اصبعك بعينك بتوجعك متل ما بتوجع غيرك. يقال لعدم ايذاء الناس
- ياجاري انت بحالك وانا بحالي. يقال في البعد عن اذى الجار
- العين بصيرة والئيد (اليد) اصيرة (قصيرة). يقال في عدم المقدره على فعل ما يراد
- يلي بينزل من السما بتستلئيه (تتلقاه) الأرض. يقال للتوكل
- خبز الرجال عالرجال دين وعالاندال (الأنذال) صدئه (صدقة). يقال للوفاء بالشيء
- ضربة المعلم بالف ولو شلفها شلف. يقال في وصف مهارة الشخص
- بكرا بيدوب التلج وبيبان المرج. يقال للصبر في معرفة الشيء
- يلي دليلو (دليله) جردون ياما بدو يفوت ششامي. يقال لمن يتبع الشخص الخطأ
- مو (ليس) كل اصابيعك متل بعضا (بعضها). يقال للتمييز بين الاشياء
- نئطة (نقطة) دم ولاقنطار محبة. يقال للمحبة بين الاسرة
- يلي بياكل العصي مو متل يلي بيعدا(يعدها). يقال لمن ينظر على المهموم
- الحجر يلي مابيعجبك بيفجك (يشجك). يقال لتقدير قيمة الاخرين
- الحكي (الكلام) الك ياجارة اسمعي يا كنه. يقال لتنبيه الكناين
- فوتة (دخول) الجار لعند الجار اولها مذله واخرها معيار. يقال لعدم الخلطة بين الجيران
- اذا بدك (تريد) مرتك (زوجتك) تلين (تخضع) عليك بحطب التين. يقال لاخضاع الزوجة
- الإيد (اليد) يلي مابتحبها بوسها وادعي عليها بالكسر. يقال لمن لايقدر على شخص ما
- زوزك (زوجك) على ما عودتي وابنك على ما ربيتي. يقال لتقوية المرأة
- غسلي وشك (وجهك) مابتعرفي مين بيبوسو (يقبله) ونضفي (نظفي) بيتك مابتعرفي مين بيدوسو (يزوره)
- بتدء (تضرب) على ركبتها وبتطالع (تبين) كذبتها. يقال في تاليف المرأة للكذب
- الارد (القرد) بعين امه غزال
- يلي مابيغار من جارته بتطء(تطق) مرارته. يقال للتشجيع على المنافسه
- يا مآمنه (مؤمنة) بالرجال متل المي (الماء) بالغربال. يقال في عدم الامان للرجال
- زيوان البلد ولا امح (قمح) الجلب. يقال في تفضيل اهل الحارة عن الغريب
- لباس مافي (لايوجد) دكته (رباط السروال) باربتعش (14). يقال لقليل التدبير
- حارتنا زغيره (صغيره) ومنعرف بعض.
- على اد (قد) لحافك مد رجليك. يقال للمتهور
- لاتنام بين الأبور (القبور ولاتشوف منامات (احلام) وحشة. يقال لعدم المخاطرة
- يامسترخص اللحم عند المرءة (المرق) تندم. يقال لمن يتهاون في الشيء
- هالك لو تهلك ولو رموك عالمهلك. يقال للحض على حب الاهل
- البي (قلبي) على ولدي والب (قلب) ولدي عالحجر. يقال في عقوق الابناء
- الحماية حمة (حمى) وبنت الاحما عئرب (عقرب) مسمة. يقال في وصف بيت الحمو
- غسالة البطون احلى منه مابيكون. يقال لاصغر الابناء
- الاب عاشئ (عاشق) والام غيرانه والبنت بالبيت حيرانه. يقال لمن لايسطر على بيته
- يلي بيطلع (ينظر) فيي بعين بتطلع فيه بعينتين.
- يا اخد الئرد (القرد) على مالو بيروح المال وبيضل الئرد على حالو
- لولا علبة مكي كانت الحالة بتبكي. يقال للمتمكيجة لأخفاء عيوب وجهها
- مركب الحموات سار ومركب الكناين احتار
- عطي الخباز خبزو ولو اكل نصو
- يلي بيجي حلت البركه ولي ما بيجي خفف لبكة
- لابق للشوحة مرجوحة ولأبو بريص قبقاب
- الحلوه حلوه ولو فائت من النوم والبشعه بشعه ولو غسلت كل يوم
أقوال
- ألف قولة دايمة ولا قولة صحتين
- بشهر تموز بتغلي المي بالكوز
- تلاتة ما بيتخبو الحب والحبل وركوب الجمل
- علمناهن عالشحادة سبقونا عالبواب
- الملوخية أكلة ملوكية
- يعني يا طخو يا كسير مخو
- اللي مابيخرب مابيعمر
- قال البرغوت للبقة يضرب الشرشوح اذا ترقى
- قال المونة بدا ركونة مابدا وحدة مجنونة
- عم تعيب على ملوك وانت بياع علوك
- العمر بيخلص والشغل ما بيخلص
- خبي حطباتك الكبار لعمك آذار
- العز للرز والبرغل شنق حالو
- ايلول دنبو(ذيله) مبلول
|
العضو الأكثر نشاطاً هذا اليوم 
المواضيع المتشابهه
العرض العادي
