لآضاق صدرك عالي الصوت جره

لآضاق صدرك عالي الصوت جره
لو كان قلبك ما يطاوعك بسرور



دنياك لو تسوى من الحِزن ذرّه
ما كان تاليها توابيت وقبور



وما كان للكافر بعمره مسرّه
وما شفت في ملكه ملايين وقصور



العمر يمضي بين حلوه ومرّه
والموت حق وقابض الروح مأمور



دام الحياه الفانية مستقرّه
ورزقك يجيك وبين الأجواد مستور



لاتنشغل بالوقت برده وحرّه
واحذر تصير بقسمة الناس مقهور



وحكم القدر لاجاك خيره وشرّه
أشكر عظيم الشان والذنب مغفور



والمجلس اللي يزعجك لا تمرّه
خله تراك بشوفته منت مجبور



والرجل سقها في صحاصيح برّه
ومد النظر مابين ريضان وزهور



لا صار وجه القاع ما فيه جرّه
والمشي حافي والثرى توممطور



ساعات صمتٍ ما وراها مضرّه
تسوى الكلام اللي به إذنوب وإشرور



أطلق خيالك وأترك النفس حرّه
وخل الطبيعه في حياتك لها دور



وبالليل لا بانت نجوم المجّره
أذكر بديع الخلق بـِ إحـساس وشعور



واسجد لرب الكُون مره ومرّه
وإحفظ لسانك وأترك الكذب والزور



وفروض ربك خلها مستمرّه
وطاعتّك لا يدخل بها نقص وقصور


ودنياك لو تسوى من الحِزن ذرّه
ما كان تاليها توابيت وقبور


مما راااق لي

راق لي كما راق لك
الله يعطيك العافيه مبدعتي سموة النصر
ولاهنتي للطرح

نص يحاكي المشاعر يحتم على من قراه العوده اليه اكثر من مره الف شكر لك على النقل ولاهنت...

يسلمووو يےـآلغلآ ... الف شكر لك ع هالابيات ..

يسلموو ي ملوكه على ابيات الرائعه

كثير الابيات الجميله التي تلامس مشاعرنا وهذه منها
يسلممممممممممممممموو ملوكه ع هيك انتقاء

عِطَّرْتِم مُتَصَفِحِيْ بِمُرُوْرَكَم الْعَذْبُ
لَا خَلَا وَلَا عَدَمُ ..

ابيااااااات اكثر من راااائعه

الف شكر لس

كودرد ^_^

أبيات جميلة جداً
ألف شكر لك
موضوع يستحق ويام
^_^

عِطَّرْتِم مُتَصَفِحِيْ بِمُرُوْرَكَم الْعَذْبُ
لَا خَلَا وَلَا عَدَمُ ..