لا ضاق صدرك عالي الصوت جره

قصيدة أعجبتي وحبيت أنقلها لكم يالغالين أرجو أن تعجبكم وهي للشاعر / غزاي نومان الحربي

لا ضاق صدرك عالي الصوت جره
لو كان قلبك ما يطاوعك مسـرور

دنياك لو تسوى مـن الحـزن ذره
ما كـان تاليهـا توابيـت وقبـور

وما كـان للكافـر بعمـره مسـره
وما شفت في ملكه ملايين وقصـور

العمر يمضي بيـن حلـوه ومـره
والموت حق وقابض الروح مأمـور

دام الحـيـاه الفانـيـة مستـقـره
ورزقك يجيك وبين الأجواد مستور

لا تنشغـل بالوقـت بـرده وحـره
واحذر تصير بقسمة الناس مقهـور

وحكم القدر لاجاك خيـره وشـره
أشكر عظيم الشان والذنب مغفـور

والمجلس اللي يزعجـك لا تمـره
خله تراك بشوفتـه منـت مجبـور

والرجل سقها في صحاصيـح بـره
ومد النظر ما بين ريضان وزهـور

لا صار وجه القاع ما فيـه جـره
والمشي حافي والثرى تو ممطـور

ساعات صمتٍ ما وراهـا مضـره
تسوى الكلام اللي به اذنوب وأشرور

أطلق خيالك وأترك النفـس حـره
وخل الطبيعه في حياتـك لهـا دور

وبالليل لا بانـت نجـوم المجـره
أذكر بديع الخلق بحساس وشعـور

واسجد لرب الكـون مـره ومـره
وأحفظ لسانك وأترك الكذب والزور

وفـروض ربـك خلهـا مستمـره
وطاعتك لا يدخل بها نقص وقصور

ابيات رائعة يعطيك العافية

قصيدة رائعه
يعطيك العافيه
رائع في اختيارك
وسلمت اناملك
دمت بود

يعطيك العافيه

ابياااات رااااائعه



انتقاء رااااائع ومميز ... فارس