ان زان لك وقتك ....

أن زان لك وقتك تخير بـالأـصحاب
وان شـان وقتـك كلهـم مايبـونـك

أن جيتهم قامـو يحـدّون الأنيـاب
وان رحت عنهـم بالقفـا يشذبونـك

لا..دبّـرت دنيـاك والحـظّ ماطـاب
الناس لا..مـن طحـت مايرحمونـك

أهل السيوف اللي يقصّون الأرقاب
أمّـا كفاهـم واقـعـك يظلمـونـك

لا..تامن الحيه ولاتامـن الـداب
السمّ واحـد لا..رقـا فـي متونـك

ياجاهل الدنيـا ودورات الأسبـاب
أعرف ترى من خان غيرك يخونـك

لو كان لك ربع(ن) موالين واحبـاب
لابدّهـم عقـب الـغـلا ينكـرونـك

وقت(ن) يشيّـب بالمخاليـق ماشـاب
أسأل رجـال(ن) جرّبـو يخبرونـك

واحذر تخاوي كـل هافـي وكـذّاب
أهـل الـردى بطبوعهـم يطبعونـك

أرفع مقامك عن ردييـن الأ نسـاب
لو شفتهم فـي حضرتـك يمدحونـك

فارق ثراهم وارق في راس مرقـاب
أبعد عن اللـي لونهـم غيـر لونـك

خلاّن مـال ومالهـم ربـع واقـراب
لاقـلّ مالـك عـدّهـم يكرهـونـك

أعتاض فيهم من طويليـن الأشنـاب
اللـي الـى مـال الدهـر ينفعونـك

لاصكتـك دنـيـاك وافـتـرّ دولاب
بانـت مواقفـهـم ولا يرخصـونـك

هذا رفيقـك مـن قريبيـن واجنـاب
ذخرك وهم في واجبـك يذخرونـك

عندك قريبين (ن) ولو قلـت غيّـاب
على صدى صوت النـدى ياصلونـك

ياللي سمعـت العلـم لاتفتـح البـاب
لاتنحشر في شـي ماهـوب شونـك

ربعك إلى من شفتهم صارو احـزاب
وتشـاورو بالـراي والعلـم دونـك

لاتبدي برايـك عليهـم ولـو صـاب
لو صحت باعلى الصوت مايسمعونك

ومن لاحسبّلك لاتسـوي لـه حسـاب
لو كان يسوى وحدة(ن) مـن عيونـك



مما راق لي ....

ياجاهل الدنيـا ودورات الأسبـاب
أعرف ترى من خان غيرك يخونـك

لو كان لك ربع(ن) موالين واحبـاب
لابدّهـم عقـب الـغـلا ينكـرونـك

ابيـــــات اكثر من رائعه

تسلم على الانتقاء الرااقي اخوي .عاشق نصراوي

لاعدمنا جديد ابداعك ..

ابيات رائعه بروعت ناقلها لا تحرمنا جديدك

بيض الله وجهك على هذا الانتقاء الجميل قصيدة اقل مايقال عنها حكم ودرر شكرا لك.
...تقبل مروري...

آختيآرك جميل

كروعة حضورك’,
تقديري لك

نص وابياات رااائعه
وكالعاااده خيو جدا مبدع بطرحك وذووقك
وتسلم يمنااك على هالنقله والاختيار وعوافي على رووحك
والف شكر لحضورك الذوووق

تحياتي