بين الاصحاب عدوان

ياقلب لايدخلك شك" وريبة // لاشفت لك من بين الاصحاب عدوان
لازم يجي لك من نجاحك ضريبة // وش مجزعك مادامت ظلوعك أمتان
من لايودك جنبة وش تبي بة // لاهو ابو متعب ولاهو بسلطان
دنياك صعبة والمراجل صعيبة // وأن كنت مانت كاسب" فأنت خسران
دور صحيب" وافي" مع صحيبة // يبديك في شانة وتبدي له الشان
يفخر بطيبك وأنت تفخر بطيبة // صداقتة من قلب وأعصاب ولسان
ولياعطيتة سر محد" دريبة // وأن غبت ماسولف بك فلان وفلان
واللي يحطون البعيدة قريبة // أهل المصالح والرياء والتمسكان
ترى مجاملهم يجر المصيبة // أن كان عندك للرياجيل ميزان
ومن لادور برشاة جمت قليبة // على يدين الغير بيموت ضميان

يعطيك العاااااافيه ومااااقصرت

صح لسانك
وتسلم إيديااتك على القصيده الرااائعه..

ابيات رائع

يعطيك الف عافيه

اشكركم علي المرور والاطراء

ومن لادور برشاة جمت قليبة // على يدين الغير بيموت ضميان
قصيده مليئه بالحكمه ولا اخفيك هذي من النصوص اللتي نحتاج اليها في هذا الزمان الف شكرا لك اخوي فارس الماضي ودمت بود وسلامه...

ابيات رائعه
يعطيك العافيه
تسلم اناملك على الطرح الجميل
لك ودي واحترامي

اشكركم علي المرور والاطراء