شي واضح ومايبي لها تفسير

السلام عليكم ورحمة الله وبركاته
حال الكل يعرفه صاااااااااار واضح ومايحتاج تفسير...فريق الكل يتكلم عنه ويعرف وش اللي ينقصه إداريا وماديا ومعنويا وحتى لاعبين

لكن بتكلم عن نقطة اللي هي اكثر شي مكشوفه مسئلة الاعبين لأن المسئله الإداريه تعبنا من الكلام والتمام اعضاء الشرف لكن لاحياة لمن تنادي آآآه يانصر


المهم نمسك الفريق من الحراسه إالى خط الهجوم مع كل لاعب احتياط واساسي


حراسه

خالدرضي والعنزي تقييم ممتازين وإالى الأمام

دفاع

عندك هوساوي نجم يعجبني فيه التحاماته وسرعة نادر تلقاها في مدافع وطوله وقوة البنيه الجسمانيه

محمد عيد ((جيد)) بس دام يجيب العيد من اسمه لكن لابأس فيه لكن كأحتياط ويجب توفير اجنب من عيار 5 نجوووم مانبي مثل ماكين الدجه

برناوي كنت ممتاز قبل الإصابه لكن ننتظر عودتك

الدوخي الله يسهلك ماقصرت والمباره الوحيده اللي بذكرها لك مع الإتحاد 3/ 3 والا الباقي خلني ساكت

حسين عبدالغني يعطيك روووح لكن بالاخير صار يعطيك نرفززه مادري وش الحل معك مشكلتي ممن يعشقونك لكن مصلحة النصر اهم من الجميع اتمنى بقائك لكن كإحتياط يعني بديل اساسي افضل واسرع ويكون لاعب محلي

الوسط

ابراهيم غالب ((اللاعب الوحيد)) اللي اقول دايم مشالله عليه

احمد عباس يجيك ايام تحوس ومادري وش تسوي ويجيك ايام احسك اخطر شي نبي نفهم

خالد الزيلعي ممتاز بس اتمنى تتبعد عن التوتر في المباريات الحاسمه والا انت رايق

عبدالرحمن القحطاني لاعب مهم ومتاز بس وش النزول بالمستوى لكن عاذرينك بسبب الضغط النفسي من زنجا وراغان


الهجووم


السهلاوي ..الين اليوم ابي اصدق انك تستاهل 33 مليون ماني قادر ب 33 مليون يعني انت اغلى واحد تم التعاقد معه بالنصر يعني لازم تكون افضل لاعب محلي مووجود بالسعووديه اتمنى تقدير الجمهور واتمنى لك الشفاء من الإصابات

ريان بلال...ممتاز بس يبيلك ((كورس )) في الكنترووول بللللللللللليز حاول تتعلم الكنترول اهمشي في كرة القدم الكنترول والا مافيك عيب غيره


سعد الحارثي=الله يوفقك مع ناد ثاني لأني ابي افهم كيف صرت لاعب له جماهير وأنت ولا مره صرت هداف الفريق ولاحقق بطوله مع الفريق صح جبت اهداف مع النصر ومؤثر بس هذا واجب عليك ومثلك مثل اي لاعب يجيب هدف لكن مالك أي ((انجاز شخصي))

سعووود حمووود اتمنى لك التوفيق ولاعب مميز


الخلاصه


الاجانب اللي واضح الفريق يحتاج إألى اجانب افضل من الاعبين لان مشاللله لاعبيننا المحلين على درجه عاليه وكلهم دوليين مثلو المنتخب يعني ياكحيلااااان شف اجانب مثل النااااااااااس


حاجة النصر هي جهة الاظهره يمين ويسار ونحتاج محور مع ابراهيم غالب ياأجنبي يامحلي ونحتاج قلب دفاااع اجنبي من طراز عالي ونحتاج وسط ايسر وسط ايسر مع القحطاني محلي ويكون ممتاز والأهم من هذا كله صااااااااااانع لاعب اذا بدر المطوع رايح اذا بيجلس حلو بس اتمنى يكون في احتياط جاهز له عشااان وقت الاصابه ماتصير مشاكل لاتحمد عقباها

هجوووم لازم يكون في مهاجم اجنبي لانو لا سعد ولا السهلاوي بذاك المستوى يعني بيكون اعتمادنا على تهديف الوسط

والدليل بدر المطوع 13 هدف اكثر من اي لاعب من نصراوي في خلال 3 شهور


واتمنى اكون وفقت لانو هذا اللي اشوفه ومايبي لها تفسير حال النصر واضح مايحتاج واحد خبير


وسلمان القريني مشكلتنا مع كحيلان لانو مادري وش لاقي فيك بس اتمنى كميخ يقدر يساعدك



اخوك عاشق ريال مدريد

مشكور ويعطيك العافيه على التوضيح
من جد ماادري ابو تركي ايش لاقي بـ سلمان القريني
وايش شايف بـ عامر السهام نائب الرئيس
اقسم بالله من يوم دخلوا على نادينا مادخل علينا الخير
كل يوم مشكله في مشكله ومصيبه في مصيبه من لاعبين اجانب ومدربين الى حسين عبدالغني وعمر هوساوي

ومضه: تبون اخليكم تنتقدون الامير منصور بن سعود ....؟
تذكرون يوم النصر احتل المركز الاول فترة اسبوع تقريباً بأول بداية الدوري ...؟
وقتها طلع منصور بن سعود وقال حنا لنا ثلاث سنوات نخطط ع الصداره
قسماً بالله الكريم انه مافي راسه فكر رياضي ولا يفقه بأمور الرياضه
والا فيه واحد عاقل يقول هالكلام
حنا وين وانت وين يامنصور حنا نبي بطولات وانت تبي صداره شر البلية مايضحك يامنصووووور

ياارجال الجمهور النصراوي صار افهم من اي إداره تجي للنصر كحيلان يبي السلهام لأنه خبير مالي في السوق المالي يعني كحيلان يبي يستفيد من خبرته والقريني لاتعليق....وشاكر مرورك

اختلف معك عزيزي في الحراسة

فالحراسة النصراوية ليست على مايرام

اهم ميزة في الحارس هي الطول

وحارسا النصر يفتقدان هذه الميزة

الاختلاف في الراي لا يفسد للود قضيه..........بس حراستنا افضل من غيرنا ونطمح للافضل

وياليت احد يسمع من الاداره يعني مايحسون مايشوووفون اوضاع النصر يعني كل شي واضح انت كرئيس لاتنظر لإراء الجمهور وبس انت شف وش ناقص النصر واشتغل عشان لو صار شي محد يلومك مو مثل السنه هذي خربطه وبالبركه نمشي

أعجبني مقالك كتير كتير
الله يعطيك آآآلف عااااافية

مشكوووووور والله يعطيك الف عافيه

مشكوووووور والله يعطيك الف عافيه

مشكورين على مروركم بس ماطرحت عشان يعجبكم انا طرحته ابيكم تناقشون معي عن اوضاع النصرر...ابي كل واحد يطلع مافي خاطره اتوقع هذا العالمي مثل ماهو عشقي اكيد هوووو عشقكم ويهمكم ابيكم تتكلمون عن الخانات واحتياجات الفرريق يمكن اكون مخطي في تحليلي وتفسيري لوضع الفرق.............لازم يكون بيننا تشاور...على الاقل هذا مجلس شورى صغير لجماهير النصر لأان من هنا نوصل اصواتنا.........وشاكر لكم تفاعلكم