,,يامعدي المرقاب خله لمشتاق ,,

صباحكم /مسائكم سعاده وراحة بال ..






يامعدي المرقاب خلـه لمشتـاق
حول وخل امعـذب القلـب يرقـا

دام الكلام اليوم ما عـاد ينطـاق
بين الولايف نبرة الشوق غرقـا

قال السديري عقب ماخاطره ضاق
بيت(ن) يخلي ظامـي القلـب يشقـا

ياليت ربي ما خلق حب وفـراق
والا خلق حب(ن) على غيـر فرقـا

جعلتني خبل(ن) يـدوج بالاسـواق
هبيل عقل وفوق راسـه معرقـا

بيت(ن) يخلي ضايق الصدر يشتـاق
لمعانق ايـام الصبـا لـو تبقّـا

ياليت حظي مـا تعثـر ولا بـاق
ولا شفت وقت(ن) فيه قمـت اتوقّـا

من عانقوا دربي قليلين الاوفـاق
وانا علـى ماقيـل حالـي تشقّـا

ما بيننا يابنت حشمه وميثـاق
وما بيننا نفسن على الود شفقا

وشلون صدرك للخيانات ما ضاق
وانا الوليف اللي على الود يبقـا

عشر ليالي ساهرينه على سـاق
تهون عندك.. والمخـاوي مشقّـا

ياحيف ياللي كل ما قلـت خفّـاق
قلبه على شوفي واياديـه عرقـا

ياهيه يالمشتـاق لاعـاد تشتـاق
ويامعدي المرقـاب لاعـاد ترقـا

كلام شوقن حافظه وسط الاعماق
خل الرجم وانزل على راس برقـا






\\

ممــــاراق لي

يا سلام عليك اختي على الانتقاء الروعه الف شكر لك ولاهنت ودام لنا قلمك وذوقك الروعه....

كلماآآآت رائعه
سلمت اناملك ع هيك طرح
لاعدمنا جديدك
ودي لروحك

ابيات رائعه
يعطيك الف عافيه يالغلا
على الطرح الرائع

نتتظرجديدك بكل شوووق

يعطيك العافيه يالغلا
لآخلآ ولآعدم

الله يعافيــــــــــكم ..

شرفتوني بمروركـم ..منوريــــــن

روعـــــــــه

الله الله عليك اختي طيف

انتقائك راااقي ومميز

لاعدمنا جديدك

الله يعطيك العافيه ,, قصيدة رائعه وكلمات جمـــيله ...

الله يعافيــــــــــكم ..

شرفتوني بمروركـم ..منوريــــــن