وش سوى حسيــــن ..؟

الله اكبر
اللي يشوف الصحف والقنوات يتوقع إن عبد الغني فجر نادي الإتحاد وإلا الإتحاد السعودي
إللي يقول إنه متهرب
وإللي يطالب بشطبه
والخبل إللي كلم قناة التنكة وهو في باص الجوازات في الطريق لشهار
و....و........و.....الخ

كله عشان حسين يلعب في النصر
هيييييييييييييييييييييييي يييييييه
اهجدوا وهدوا السرعة وانتبهوا من ساهر

إلا ادعسهم ياحسين ولاعليك في أحد
وارفع راسك انت نصراوي
من زينهم ومن زين لاعبينهم
وينهم يوم طبت الهيئة على إستراحة الخرج ليش ماطالبوا بشطب قناص الإستراحات
وينهم عن المضاربة إللي صارت بين الأخطبوط والسنتور قدام بوابة النادي
وينهم عن حلبة الملاكمة وأبطالها التسعة نفر وإلا عشان اشتغلت فيها شيكات عليا
وينهم عن إستراحة مكة الدولية واللي يتجمع فيها لاعبين دوليين في المنتخب ويلعبون مصارعة حرة مع أبطال من المغرب العربي
وينهم عن شقة المربع والثلاثي المرح وإلا اعتبروهم محرم

ووين ضاعت قضية إطلاق النار على الدوخي..... وإلا عشان الرصاص مطرز بخيوط بشت
ووين ضاعت قضية موية النار إللي مكيجوا فيها وجه محمد البكيري ... وإلا عشانها موية مقري عليها
لماذا سكتوا عن الخوض في تلك القضايا وتطوراتها
لأنها تمس لاعبيهم وأنديتهم
والمصالح مشتركة " استرني وأسترك "
أما نحن فلانملك إعلام مثلهم ليجبرهم على الصمت


بغض النظر عن مستوى حسين ومشاكله وتحكمه في الفريق وبغض النظر عن المشاكل إللي في الفريق واللي تسبب فيها
كل هذا حسين ماله ذنب فيه وماينلام
الذنب واللوم على اللي جابه وإللي أعطاه المجال

بصراحة لو أي واحد منكم مكانه وبنفس وضعه ممكن يغطي على حسين

اللي أبغى أوصله إن حسين الحين لاعب نصراوي
يعني حنا إللي نتكلم فيه إحنا إللي نرفعه وإحنا إللي ننزله
بس مانسمح لغيرنا يتطاول على النصر ولاعلى لاعب نصراوي


اعطوهم كاش مالهم شغل في حسين
يشوفون المجنسين اللي عندهم ويخلون النصر ولاعبي النصر في حالهم
لاعبينا فاشلين أصحاب مشاكل بس مالهم شغل


حسين ومشعل....اثنين تضاربوا في مواقف سيارات
وعلى طول حسين مخطيء ولاعبهم ياحليله
بريئ وكأنه نزل من السما
يتهمون ويتهجمون على حسين بحجة انه راعي مشاكل وبحجة الحفاظ على الأخلاق الرياضية

والله مافكروا في حسين مثل مافكروا في النصر


أسألكم بالله أي واحد تستاهل قضيته إنها تضخم
وأي واحد فيهم يستاهل الشطب
مواطن يتضارب مع مواطن مثله
وإلا أجنبي يصفق عسكري ؟


ارحموا عقولنا
لايستغلوا ان حسين لاعب مشاكله كثيرة عشان يلقوا طريق على النصر وعلى لاعبيه

"أكرر حسين لاعب مشاكله كثيرة في الملعب وخارج الملعب لكننا نحن من نحاسبه ولستم أنتم من يحاسبه"


سؤال..إنتم صدقتم تبريرهم الفاغر الفاضي يوم يقولون إن حركة مشعل السعيد بسبب جزمة النمري
عني أصدقها إن كان النمري في نفس اللحظة متواجد في المدرجات
أما وهو في الملعب ...فلهم أقول لسنا أغبياء

......................... .........................


براق من خاشر


محمد البكيري الإعلامي الذي نعجب بما يطرحه ونعجب بصراحته وجهت له هذا السؤال
" أسألك بالله العظيم مارأيك في حركة مشعل السعيد؟"
توقعت منه الإجابة بشجاعة
لكن للأسف شجاعته اختفت
أقسم بالله أنه لم يجب
أتعرفون السبب لأنه سيكون مجبرا على الإعتراف بأن لاعب فريقه مخطيئ حينما قام بتلك الحركة
يتحفظ لأنه لاعب ناديه


أما نحن فمع الخيل ياشقرا
نهاجم من هاجموا
وندافع عمن دافعوا
حتى ولو هاجمنا لاعبينا
ودافعنا عن لاعبيهم

......................... ......................

ليالي نجد للنصر طيبي
أمانة نور عيني ياليالي

معاً لدعم العالمي ومن يسيره ولعيبته وكل من يخدمه
فالنصر في امس الحاجه للتكاتف هذه الايام
اكثر من اي وقت مضى


معاااااك ياابوعمر ..
يسسلمو اخوي..

واذا ارتموهم ان يفشلوا تجاهلوهم

وألتفوا حول ناديكم

ولاعبيكم
==============
نعم حسين يحارب ويحارب بافواة حاقدة والمراد نصرنا ياجماهيرالوفاء
اذا لابد لنا من انكار فعل ابو عمر ان كان مخطئ

لكن علينا التصدى للحملة العدوانية ضدة

بيض الله وجهك على انصاف لاعبنا من حقدهم

كلام بالصميم اخوي سعد .. وبكل اسف ان جميع قضايــا
لاعبي النصر تتصعد وتتبناها القنوات وتثار حولهـــــــا
المغالطات وكل هذا جل سكب المزيد من الاوجاع عــلــى
نصرنا وتشتيت اهله عن قضاياهم الاساسيه المتعلقه ...
بترتيب الفريق والعمل تحت فكر نقي خالي من الشوئيب
وتسليط الاعلام .. وخير مثال وضع الاداره الحاليـــــــــه
التي كانت طوال الوقت حت قصف اعلامي رهيب جعلــها
مشتته الذهن وتواصل التخبط والسبب اعلام بغيــــــــــض
لازال يواصل نجاحاتها بكل اسف علي ايقاف اي تقدم للنصر
واشغاله حتى لايعود والمصيبه ان كل هذا الامر يتبناه ......
النصراويين بصدر رحب بكل اسف ويقعون في المحضـــــور
بالختام تقبل مني وافرك الشكر علي مقالك الرائع الجميــــــل
ضامي بطــوله

يعطيك العافيه على ماطرحته اخوي سعد

يجب علينا كجماهير عاشقه للكيان بأن لا نسمح لأي شخص كان
ان يتهجم على لاعب نصراوي ولا على الكيان لنقف وقفة رجل واحد
ونتصدا لهم ولهجماتهم

بالتوفيق لأبو عمررررر سرررر ونحن خلفك ياالفتى الذهبي

النصر محارب اعلاميآ منذ الازل ..
ومن يوم كان حسين بالاهلي ربطوا اسمه بالمشاكل

حتى اصبح كل دخول لحسين يرصد له شخصيآ كاميرات ظاهرهـ ومخفيه
حتى يتصيدون الزله له

فما بالك وهو الان يلعب بنادي محاارب

لكن تبقى القافله تسير ... رغم نبح الجميع ..
ونرجو من حسين بالايام المقبله تجاهل كلم ن يحاول البروز على اكتافه

قضيه برى الملعب ماله معنى تصعد للاعلام خلاص تبقى بين السعيد وحسين وانتهينا

لكن كل من اراد الظهور وتسليط الاضواء ولفت الانتباهـ واكتساب شعبيه ..
حاول الاحتكاك بالنصر

هذا حظ النصر وهذا حظ نجومة محاربون من هالاعـلام المرتزقة .
تـسلمممممممملي أخوي سعـد .

وينهم عن الحقير ردوي الروماني يوم يهتك عرض حسين .
يخليك ربي أخوي سعد