ودي اموت اليوم واعيش باكر ..!

السلام عليكم وحمة الله وبركاته

ودي اموت اليوم واعيش باكر ... واشوف منهو بعد موتي فقدني

ومنهو حملني لين ذيك المقابر... واشكر انا كل من كرمني دفني

وبشوف انا يرثني كم شاعر... ومنهو تركني وماكتب شي عني

وشخص تعنى لي مع انه مسافر... وشخص قريب وانا ميت طعني

وشخص يمثل دمعته ماهو قادر... وشخص تطيح دموعه كل ما ذكرني

ومنهو من اهلي في العزا كان حاضر... ومنهو يفز قلبه لامن لمحني

ومنهو عشاني طول الأيام ساهر... ومنهو ثلاث ايام رآآآح وتركني

ومنهو يرتب غرفتي والدفاتر... وان شاف صوره لي مات وخضني

يالله عسى ماتغفى كل المشاعر... ويالله عسى ماينصدم يوم ضني

خايف يروح العمر واكون خاسر... وان طار طيري مايفيد التمني

وخايف يجيني وقت اكسر خواطر... وان دارت الدنيا وزماني كسرني

ومدام هذي الدنيا صارت مظاهر... وكل من على كيفه وجوه يغني

صحيح(مسلم)لاكن(الهم كافر) ...كل مابغيت اضحك يهددني حزني

الضيق وافي والحزن حيل وافر.. والجرح اكثر شي شفته يحبني

عايش وميت بين ماضي وحاضر... والصبر مفتاح الصبر ضاع مني

قل وش تبي؟ وتتركني ياحزني آمر... مسكين فرحي تصديق انه وحشني

شاعر ولا كني ماني بشاعر ... ودي اموت اليوم وارتاح مني

كلمات الشاعر الكبير احمد الصانع

ابيات راائعه اشكرك اخوي لاهنت يعطيك العافيه

ابيات رائعه تسلم على الذوق الحلو والانتقاء الجيد تقبل تحياتي وتقديري
وشكرالك

المشاركة الأصلية كتبت بواسطة روحي العالمي

ابيات راائعه اشكرك اخوي لاهنت يعطيك العافيه

الله يحيك استاذتي الفاضله

الاروع تواجدك الشكر موصول لك الله لا يهينك يعافيك من كل شر

مودتي

المشاركة الأصلية كتبت بواسطة حنين العالمي

ابيات رائعه تسلم على الذوق الحلو والانتقاء الجيد تقبل تحياتي وتقديري
وشكرالك

الله يحيك استاذتي الفاضله

الاروع تواجدك يسلمك ربي من كل شر

الذوق منك وفيك

مودتي

الف الف شكر لك اخي على النقل والله يعطينا حبه في الدنيا والجنه في الاخره يارب العالمين...

المشاركة الأصلية كتبت بواسطة نصراوي العصر

الف الف شكر لك اخي على النقل والله يعطينا حبه في الدنيا والجنه في الاخره يارب العالمين...

الله يحيك استاذي الفاضل

الشكر موصول لك

مودتي