غـــزلـــــــيــــه ...

في وسط سوق القيصريه جوف ليل من الليال=ردت على قلبي هوا ليلى مع مجنونها
شد انتباهي فالمسا صوت الكعب تحت النعال=وانا على ما قيل لدروب الهوا مرهونها
واقبلت من باب السلام وما معاه من السؤال=ولا هو بحايل جيش هتلر ذا المسا من دونها
ولا دريت ان جنب صاحبت النعال اجمل غزال=اللي يطيح الطير لا لدت عليه عيونها
قالت انا اجاوب سؤالك كان تعطيني مجال=واسترسلت كن العسل مخلوق بين سنونها
واعطتني المضمون ولا ادري حقيقه او خيال=بس المهم ان سرحت وتهت في مضمونها
انا اشهد ان بعض الجمال يسد عن بعض الجمال=يغنيك عن ناسٍ تحط العولمه من لونها
خلك مع بنت الحلال ام الدلع وام الدلال=اللي تداري سمعة سلوم العرب وتصونها
مثل الغزال اللي مع ام الكعب والشك زال=ما ظنتني تكمل مراسيم الحلا من دونها
اقفت بقلبي وانقطع من بيننا حبل الوصال=وهي اصبحت ليلى وانا عقب البطا مجنونها

وسلامتكم جميييعاً........
ملاحظه/ترى اعذب الشعر اكذبه...

صح لســـآآن قــآآيلهــآآ ..ض1

شــآآعر بمععنى الكلمه .

خـلـك مــع بـنـت الـحـلال ام الـدلــع وام الـــدلالالـلـي تــداري سمـعـة سـلـوم الـعـرب وتصونـهـا

رآآقت لي .. وكلــآآم كبييير وحلوو ومتنــآآسق . انــآ اشههد انك طلق ..

تسسلم وان شــآآء الله منشوورآآتك متــآآبعتـــهــآ بككل فخخخر ..ق1

صح الله بدنك ولاهنت على الاطراء الجميل والمرور العطر...الشرف لي على مرورك وبالتوفيق ان شاء الله...

يعافيك ربي مشرفنا لاهنت
ع الابيات الراائعه منك اشككركك

شكراً روحي على المرور ولاهنت...

نصرواي العصر كلك ابداع وتألق

اخوي الغالي نصراوي العصر
ومشرفنا وشاعرنا القدير
ابيات في غاية الروعه صح لسانك .. اشكرك علي هذه التحفه
الشعريه التي احتوت على اجمل معاني الغزل وتصويــــــــر
الموقف الشعري في احلا تصوير ... اتمنى لك المزيــــــــد
من الطرح لعذوبة شاعريتك التي تذهل المتلقي لروعة حضورها
ضامي بطـوله

شكراً لك اخي بندر على المرور الجميل ولا خلا ولاعدم كما اتقدم بوافر الشكر لك مراقبنا العزيز اخي ضامي بطوله على الاطراء اللي ان دل انما يدل على دماثة اخلاقك وجمالية قلمك الرائع لاعدمنا هالطله ولاهنت..

صح لسانك وعلا شانك ياغالي

ملاحظه/ترى اعذب الشعر اكذبه...

و أن أشهد ,, صح لسانك و إبداعك ,, ماقصرت يعطيك العافيه