قالو تتوب من الهوى قلت ما اتوب

السلام عليكم

ومساء / صباح الخيرات على الجميع

والمعذره اخواني خواتي على الغياب

واحب اسمعكم الجديد من بعد هالغيبه اتمنى ينال اعجابكم ..

قالو تتوب من الهـــوى قلــت ماتــوب

ماتـــــوب عن حـبــه ولانــي بتــايـب

مقدر اعيش بدنـيـتـي دون مـحــبـــوب

ياشــيـــنــهـــا الــدنـيــا بـلـيّــا حـبـايب

حب الشــرف ياناس مــافيه عــذروب

لا صـــار خالي من جميع الشـــوايب

ان كان ماتاخذ ورى حـبــك ذنــــوب

اعلـــن غـــرامك لا تخــــاف العقايب

وابعد عن الممنوع لا صار مرغوب

دايم ترى المرغوب عايب و خـــايب

واسحب وفا حرفك على قاف مسحوب

وانفض معـــانـيـها نـفـيـض السحايب

ترا الشعر لا صـار بأحساس مكـتوب

على قلـــوب النـــاس مثل الهــبايـب

وانا القصــــايد كـلـهـا سقتها صــوب

الجـــادل اللـــي خـلـت القلـب ذايـب

الطــــاهره من كل زلات وعـيــوب

المـتــرفه ذات الحـسـب والنـسـايـب

عن حـبـها والله لايـمــكـن اتـــــوب

لو عذربوني لو غدى الراس شـايب

مجرور في حبه وسـاكن ومنصوب

ومكسور لو شفته عن العين غــايب

ومادامني بالشـعـر مبدع ومــوهوب

لازم اخـلـي في قـصـيـدي عـجـايـب

من شــان خـلـي يفـتـخـر فيه ويذوب

دام القصــــايد للـمــحــبـه ضــرايب

يالله عسى لاتـجـعـل الحــظ مقـلـوب

يكـفـي شـربنا من رداه المــصــايـب

ياالله طلبتك والامـــل فيك مـطـلوب

على الشــرف تجمع قلـوب الحـبايب

وسلامتكم

بقلم / ماجد الشمري

منقول ماجد غيري ماهو أنا

الله الله عليك اخوي ماجد على الانتقاء الجمييل سلمت لنا اياديك ولاهنت... نص يستحق التقيييم ...

الله يسلمك
وتسلم يمينك
ويعطيك ألف عافية

ابيات جميله تشكر عليها اخوي

صح لسان شاعرها وسلمت يدين ناقلها

يعطيك الف عافيه اخوي ماجد راائعه جدا ولاهنت يالطيب

لا هنت يالسلماني و صح لسانك
مشكوور أخوي

الحمدلله ع عودتتك اخووي
يعطيك الف عاافيه ع الطررح