منيو مميز♥ | وفــرحنـــا بعــودتـك يـارمضـــان -منقول

السلام عليكم

الموضوع منقول :


سينبون



هالسينبون الييييييييييم بمعنى الكلمه ذقته عند جارتي وبنت ديرتي


ماصبرت على طول اخذت طريقتها

مقادير العجين


3 كاسات دقيق
3 م ك حليب بودره
ملعقتين سكر ناعم
ملعقه كبيره غير ممتلئه سمن نباتي قودي
ملعقه كبيره خميره فوريه
كاس وربع مويه
رشه ملح

الطريقه

نخلط الخميره مع فنجال مويه غير اللي في المقادير وشوي سكر في علبه قزاز واخلطيها زين بالملعقه ثم غلفيها بنايلون وخليها تتخمر وترتفع

في العجانه نضع باقي المقادير ثم خليط الخميره بعد ماتضاعف حجمه ونشغل العجانه ونضيف المويه بالتدرج شوي شوي واذا احتاجت مويه اضيفي شووي


وخليها تقريبا 6 دقايق بيكون العجين بداء ينشال عن اطراف الحوض ونتركها تعجن

بعدين ريحي العجانه دقيقتين ثم ارجعي شغليها شوي


وبعدها خلااااص نزليها ولملميها شوي باليد وحطيها في زبديه قزاز وغلفيها وخليها يتضاعف حجمها

وبعدين شكليها يالسينبون العادي او كور القرفه خذي شوي عجين واحشيها جبن كيري وكثري

ولما تخلصين مكوره حطيها في الزبده ثم في القرفه مع شوي سكر

وخليها تخمر قبل لا تدخل الفرن علشان تطلع اهش

وفي الفرن لما تستوي بس لا تطولون وتقسى


العجينه خياليه حتى ملمسها فرقتها عن العجاين العاديه واعتمدتها حتى للفطاير



نجي للصوص هذا اللي هبل فيني وكل هالموضوع علشانه


بصراحه لذيذ تسلم يدينها

قلت اجيبه لكم ياقمورات وذوقوا الذ صوص سينبون الذ من حق المحلات بكثيييييييير

وشغلته شغله بس يستاهل وكميته راهيه


الصوص الابيض


في الخلاط الكاس

اصبع زلده لين في حراره الغرفه ضروري وليس مذاب <<<<< تنقل بالنص

كاسين سكر بودره ناعم يفضل العلب الجاهزه

علبه جبن فلادلفيا 300 غ

شوي فانيلا ( وعن تجربتي حق ملتقى الخبازين روعه ويعطي نكهه حلوه علبه بلاستيك صغيره مليانه بودره تجلس شهور ب 15 اظن )

شوي ملح
نص كاس شيره البان كيك
ربع كاس توفي هيرشي

وشغلي الخلاط
بيكون قوامها وسط لا خفيف ولا ثقيل واذا احتاجت زياده تخفيف زيدي شوي شيره البان كيك

وبعدين حطيها في علبه ضغاط اسهل في الاستخدام

الصوص البني


كاس سكر بني غامق
كاس وربع شيره البان كيك
ربع اصبع زبده
م ص قرفه
ربع كاس توفي هيرشي
فانيلا
نص كاس كريمه خفق

الطريقه

نذوب الزبده مع السكر البني مع التحريك المستمر على نار هاديه
بعدين نضيف باقي المقادير ( انا اذوبها شوي ثم على طول احطها باقي المقادير لان السكر البني مايذوب بسرعه معي واخاف يحترق ويطلع نكهه اضيف بسرعه الباقي )
بعد مانخلط باقي المقادير نخليها تغلي خمس دقايق بعدين طفي النار وخليها تبرد تماما

وشوفي اذا ثقيله مره زيدي شيره البان كيك
واذا خفيفه رجعيها على النار وزيدي كريمه خفق
وماتقدرين تحكمين الا اذا بردت ممكن تختبرين جزء منها قبل لا تطفينها

وحطيها في الضغاط


واول مايطلع السينبون من الفرن خمس دقايق بعدين نصب الصوص بالتناوب وغطيها علشان تحافظ على طراوتها











ويجلس الصوص في الثلاجه لفتره طويله مايخرب

( صلحوها من الحين من ضمن المفرزنات بس في الثلاجه حطوه )















الاولى الذ فيها جبن

قوالب السيلكون



مافيه شي جديد بس سويت طباعه عليها

سوي القوالب زي طريقتك المعتاده ( ادهني القوالب بالشوكولاته جمديها ثم احشيها وسكري عليها بالشوكولاته )

الحشوات طحت في حشوات ملتقى الخبازين اللي تجيك بسطول حلوه ولذيذه

وتجي نكهات ( اللوغا والكابتشينو و البندق وووو ...... )

وبعد ماتطلعين القوالب ذوبي قوالب الشوكولاته من فوق بالولاعه او على النار شي بسيط مجرد تذوب حطيها على ورق ملون من عند ملتقى الخبازين

وخليها تجمد وراح تلتصق الشوكولاته الملونه عليها










براونيز




اخذت طريقتها من الاخت ميعاد في منتدى مجاور


لذليذ وكثير مدحوه بس عندي براونيزي الاول الذ




المقادير

اصبعين زبده بحراره الغرفه
نص كوب هيرشي
نص كوب كاكاو بودره
3 بيضات
فانيلا
نص كوب دقيق
جبن فلادلفيا او مسكربوني ( استخدم فلادلفيا ) 250 غ
كوب وربع سكر
ملح


الطريقه

سيحي الزبده وابعديها عن النار ثم الهرشي نص كوب وبعد مايذوب تماما حطي الكاكاو البودره وحركي زين
ثم السكر والملح واخلطيها زين وخليها على جنب


في العجانه نحط البيض والفانيلا ثم الجبن لما يصبح قوامها كريمي نضيف خليط الشوكولاته فوقه ونخلط شوي لما تتجانس ثم الدقيق ونحركه بملعقه على خفيف

ثم في صينيه عليها ورق زبده مقاس الصينيه مو كبير مره

وفي الفرن 20 الى 30 دقيقه او اقل في البدايه حراره عاليه ثم اقصري عليه

وبعد ماتطلع من الفرن تكونين مسويه الجاناش

كوبين شوكولاته هيرشي
12 م ك كريمه خفق
نص اصبع زبده ( انا اكنسله والا حلو يعطي لمعه )

ذوبي الهيرشي في الماكرويف ثم حطي الكريمه والزبده وحركيها زين زين وصبيها فوق البراونيز


وخليها تبرد في الثلاجه 3 ساعات









حلى الرمان



اخذته من بنت عمي لذيذ ويبرد على القلب



في الخلاط الكاس


6 علب قشطه
6 ظرف دريم ويب
علبه محلى
ثم اقسمي الخليط علشان يكون جزء ابيض والجزء الثاني نحط عليه ملعقتين كبيره كاكا بودره واخليطه بالخلاط

طبعا تقدرين تقسمين المقدار تخلطين البني اول ثم الابيض ( اللي عندها شغالها تخلط مرتين واللي ماعندها تخلط مره وحده اريح وتوفر مواعين )

نرجع

في زبديه كسري بسكويت داجستف او اولكر او اوريو او سوي مزيج بينهم

وحطي الخلطه البنيه عليها وحركيها لحد ماتتماسك وتكون فيها ليونه وحطيها في الاكواب

او انك تحطينها في صينيه التشيز اذا حابه تكون كامله

وبعدين حطي الخلطه البيضاء فوقها واذا بردت زينيها باللي تبين


حطيت رمان علشان يعادل حلاوه الطبقه البيضاء

والا تقدرين تحطين توفي شوكولاته هيرشي اوريو قطع تويكس ....






















اللبنيه الكذابه بلمساتي




سبق ونزلتها في هذا الرابط





بس سويت اضافه بسيطه طلع الذ وذكرتني بكنافه شوكولاتاتيريا


الخلطه

ربع كاس حليب محموس

كاس كنافه مطحونه صغار ومحموس

احمسي كل شي لحاله لانك اذا حمستيها سوا راح يتكلكع الحليب و يتحمر الحليب والكنافه لسى

اخلطيها مع بعض ثم حطيها فوق الخلطه واضغطي عليها شوي بيدك علشان تمسك


وفي الفرن من تحت عشر دقايق تتماسك وخليها تبرد زين

ووقت التقديم حطي شوي فستق >> نسيت














وهذي كنافه شوكولاتاتيريا اللذيذه وش رايكم مو زيها

والطعم مقارب له





لفائف التوست



سهله ولذيذه


طريقتها

توست منزوع الاطراف ثم افرديها او ( ارصعيها بالرصاعه اسهل واسرع )

احشيها برقر اصابع مخلل خس ولو وجد جبن شرايح يكون افضل

وتقدرين تحشينها اي حشوه انتي حابتها مثل البيتزاء حطي شوي صلصله جاهزه او مصلحتها

ثم زيتون شرايح وفلفل اخضر وجبن


ولفيها وسكري طرفها بجبن سايل وادهنيها بالصوص

( كاتشب وشطه سومطره وزيت زيتون و زعتر ) مقدار حسب كميتكم وفي الفرن من فوق مجرد تحمير

او في الحماصه تكون احلى مخططه













وردات الجوري





هذي من الارشيف قديمه فالعجينه هنا غير عجينه السينبون


افرديها ووقصي العجين شرايح ثم اقطعي شرايح المرتدلا من النص افضل واحسن شكل بعضها قصيت المرتدلا 3 شرايح وماصار شكل الجوري مضبوط


المرتدلا صفي كم حبه جنب بعض على حسب طول العجينه زي في الصوره احس واضح







ولفيها زي الاسطوانه وسكريها زين علشان لا تفتح الجوريه


مره حطيت وسطها جبن شرايح زي عرض العجين علشان ماتوضح وكان شكلها مش بطّال ولذيذه









الفطاير الحلزونيه



اخذت طريقتها من مرت ولد خالتي الله يعافيها يارب

ملحوظتي عليها احس تنفع كفطور صباحي لان البيض فيها طاغي

وحبه وحده تكفي

جربوا واحكمو


المقادير

في الخلاط الكاس

4 شرايح توست منزوعه الاطراف
3 بيضات
علبه قشطه
علبه كرفت شدر الوسط
م ك BB
ثم في التيفال الكبيره بعد ماتدهنينها طبعا وفي الفرن من تحت وفوق

بعدين حطيها على ورق نايلون واحشيها اللي تبين ( مكس اجبان _ او حشوه دجاج بس افرموا الدجاج وادهنوا العجين بكاتشب ومايونيز )









طريقه حلوه لتقديم الكبه

مع ابو ريالين الابداع لا حدود له

علبه بلاستيك وسطها خس وفوقها كبه جاهزه ثم صوص الرانش







وهناء تقديم الحلا ورق مقوى مزخرف

اخذتها من قصر الاواني

لا تدققون في الحلا الغناش تكلكع علي





وبكذا اكون انهيت موضوعي

والله يتقبل منا ومنكم صالح الاعمال

صوما مقبولا وافطارا شهيا

اشكرك اخوي
لاهنت يعطيك العافيه
ينقل لقسم الطبخ

الله يعطيك الف عافيه ،، شكلها تشهي وبقوووه هههههههه

نقل مميز,
مشهيه وتحمس للتجربه,
الله يعطيك العافي/ْ,,

موضوعع ججميل صصرآححه
آحيييييييييهه .. كلل حلاآ
أحسسسن من الثثآني .
يعطيك آلف عافيهه ي الغلاآ
مم قصصرتت ..

نودآ

الله يعطيك العافيه على النقل المميز

ماشاء الله اطباق جميله ورائعه

مشكوووورين

على الردود

ويعطيكم الف عافية

وآآآآآآآآآآو قسسم اليممممممه

يعططييكـ ااالف عاافيه