:: الحلم ::

بسم الله الرحمن الرحيم


صباحكم سعادة

بوقت من البطا وبليل تتراقص شياطينه
بعد شفت الضيا ينزع من ثياب المسا ثلثين


تحايلت المنام اللي مثل بيتك تمرينه
وأنا اللي من تفارقنا وأنا ما غمضت لي عين


غريبة؛كل حلمي مر فـرقادي تزورينه
والأغرب كيف احلم الحلم وارجع وأحلمه بعدين


قبل يومين شفتك بالمنام وقمت من حينه
ونمت أمس ورجع نفس المنام اللي قبل يومين


أنا اللي قبل أسافر شلت قلبي من شرايينه
تركته في يدك مثل الأمانة واحفظيها زين


ترى حفظ الأمانة دين ومجبورة تردينه
اجل ما فيه احد قد قالك ترى حفظ الأمانة دين ؟؟


مرد المقفي بيلفي .. ويستوفي وتوفينه
بعد ليلة ثلاثة أربعة عشــرة شهر شهرين


إذا أنتي مانتي بقد الكلام اللي تقولينه
حرام أستأمنك حاجة وإذا جيت أطلبك تنسين


تخونين وتبين أرضى؟هو أحد يرضى تخونينه؟أ
نا لا جيت أخونك مع حبيبة ثانية ترضين ؟؟


من أول ما رجعت من السفر ما شفت لك بينه
وأنا اللي كنت أحسبك قبل أدوس ارض المطار تجين


تكونين أنتي أول شخص عيني تحتضن عينه
وكنت أتخيلك من زود فرحة رجعتي تبكين


وأشوف بدمعتك حكيك واعرفه قبل تحكينه
وأجيب أحلى من اللي بتحكينه وأتركك تحكين


تقولين الوطن نور..وأقول بنور مضوينه
تقولين لي غديت أحلى وأقول عيونك الحلوين


كلامـ(ن) نام بشفاهك وخفتي لا تصحينه
ذخرتيه الغرام اللي ينام ويتركك تصحين


تغانمتي غيابي لين رجحتي موازينه
تعلم من يدك لمس الكفوف وعلمك تجفيــن


وليتك لاقيتـ(به) شيء فيني ماتلاقينه
مهب غرور لكن خابرك مـــــالك أمل تلقين


تغافلتي بغلا وإلا الحلا ماهوب من زينه
تزينه الصور وإلا الصحيح ابن الحلال زوين


وأنا ماني بناقص عنه يوم أنك تبدينه
نصيبي هو نصيبي لو يسددها من الصوبين


قنوع بمظهري والسم مايذبح ثعابينه
على قول المثل:ماني حلو لكـــــن ماني شين


إذا أهداك الزهر مرة فانا أهديتك بساتينه
وإذا ألهاك بفرح ليلة فانا تهت لبكاك سنين


وإذا استضعفتك أملاكه وشتتك ملايينه
أنا حتى فتـــاة الخبزة أقسمها معك نصين


طموحي بس أجي واظفر بشيء تستحقينه
تدينته ؛ تسلفته ؛ سرقته ؛ مو مهم منين


كأني من كثر مارضى بكل اللي تمنينه
لو انك تطلبين الله يعنيني بقول آميــــــــن


أنا ما ألعب على الحبلين وقت الطيش وسنينه
تبيني الحين يوم إني كبرت العب على الحبلين


ترى عند البدو بالذات عيب اللي تسوينـــه
حلاتك لاعشقتيني تعشقيني ليوم الدين


غرام نسكن ضلوعه حشيمة من مجانينه
جفا يجمع معزتنا ولا عشقـ(ن) يذل اثنين


كثار اللي تحدوني وقالوا لي تحبينه؟
أمانة لاتخليني صغير فـعينهم ؛ تكفيــــــــــن


لأني كل ما قالوا تخون أقول مسكينة
عليك الله وأمانــــــــة علميهم من هو المسكين


أنا خايف ليا طاح الجمل تكثر سكاكينه
وأنا ما عادت ضلوعي تحمل طعنة السكين


مثل ما قالوا: المكتوب واضح من عناوينه
لو ارحل منك للغربة بسافر من ظلامك وين ؟؟؟


كفاية كل حلمي مر فرقادي تزورينه
كفايـــة من تفارقنا وأنا ما غمضت لي عين


قبل يومين شفتك بالمنام وقمت من حينه
ونمت أمس ورجع نفس المنام اللي قبل يومين

ابيات رراائعه اشكرك عليها يعطيك العافيه مشرفنا ولك مني كل تقييم

تسسسسلم يمينكك على الانتقاء المميز والراااائع لاعدمناكك

رووووووووووووووعة بروعة ناقلها
سلطان الابداع الف شكر هالطرح الممييييييييييييز
ننتظر جديدك المميييييييييز بكل شوووق

صح الله لسانك على الأبيات الحلوه

المشاركة الأصلية كتبت بواسطة روحي العالمي

ابيات رراائعه اشكرك عليها يعطيك العافيه مشرفنا ولك مني كل تقييم

الله يعافيك روحي العالمي
مرورك أجمل تقييم
أنرتِ ^_^

المشاركة الأصلية كتبت بواسطة بنت*النصر

تسسسسلم يمينكك على الانتقاء المميز والراااائع لاعدمناكك

و يمينك بنت*النصر
الروعة مرورك
لا عدمنا إطلالتك ^_^
أنرتِ

المشاركة الأصلية كتبت بواسطة نصرآويه ذوق

رووووووووووووووعة بروعة ناقلها
سلطان الابداع الف شكر هالطرح الممييييييييييييز
ننتظر جديدك المميييييييييز بكل شوووق

يسلمك ربي يا ذوق
لا هنتِ عالكلام الجميل
ألف شكر ^_^أنرتِ

المشاركة الأصلية كتبت بواسطة ماجد السلماني

صح الله لسانك على الأبيات الحلوه

صح بدنك يالسلماني
شرفتني بمرورك
أنرتِ ^_^