هدية الاربعاء....

‏​تبي تعرف أش كنت وألحين وش صرت..؟
أقرا القصيده وأفتهم فالمعاني...


أول مــريــح الـبـال كــشـيــخ وأزقــرت
وأطـوّع إلـي باالموده عـصـاني..


وأول أحـس الـناس تـاقـف ألـيـا سـرت
والـيوم أخايلهم وأنا في مكاني...


أمـــد شــوفي وإن قــصــر لاتــفــكرت
أجـي البعيد إلين أشوفه وزاني...


والـيـوم لامـن قـمـت صـوبـه تــعــثرت
كـسرت يـاوقت الردى عنفواني...


شــحــت بـي الـدنـيـا وأنــا مـاتـخـيّـرت
ماغير أحمد الله على ماعطاني...


قـالو لـي أصـبر..قـلت أنـا وإن تـصبرت
لـو بـارت أيـديني تعزوا ألساني...


أكـبـر مـصـيـبـه يــوم ســج وتــذكــرت
إنــه كـثـر مــانـا ذكـرته نـساني...


عـاشــرت فــالـدنيا ومــيّـزت وأنــكـرت
لــكـن مـثل حـبه حشا ماكواني...


كسّرت كم جوال واحرقت كم كرت
لاشك عاده لاجيٍ فالمحاني...


هذا انت ياالي عقب كسري تنكرت
وخليتني بين الرجا والاماني...


إن هــزتــك لـــبــيــات وإلا تــأثــرت
فـلا لا تــعـود يـارفيقي عـشاني...


أنــا ألــيــا مـــن وقــفـوا كــلـهم طــرت
ورقيت لين آصل سهيل اليماني...


ودك تعرف أش كنت وألحين وش صرت..؟
عـزيـز قـوم وذلـنـي لك زمــاني...


الشاعر:-عبدالله بن مرسل ال فطيس

ابيات مميزه ورائعه تسلم يمينكك شاعرنا ع الانتقاء المميز لاخلاولاعدم

تسلم يمينك شاعرنا الكبير على هذا الإهداء وهذا التميز في الإنتقاء ،،،

ياجعلنا مانفقدك يابعدي

شــحــت بـي الـدنـيـا وأنــا مـاتـخـيّـرت
ماغير أحمد الله على ماعطاني...

قـالو لـي أصـبر..قـلت أنـا وإن تـصبرت
لـو بـارت أيـديني تعزوا ألساني...

أكـبـر مـصـيـبـه يــوم ســج وتــذكــرت
إنــه كـثـر مــانـا ذكـرته نـساني...


ابيــــــــــــــات في غاية الرووعه

صحح لسآآآن بن فطيس ..

وويسلممم يمناك على الاختييار الراااقي

م ننححرم من جديدك ...

لاااهنت

اشكرك اخوي ماشاء الله ع الابيات راااق لي حقيقه
ولاهنت ومش غيب منك هـ الهديا
يعافيك ربي ارق تقيييم لك وتستااهل

انتقاء مميز
يدل ع ذائقة شاعر كبييير
ابيات جميله راقت لي بالحييييييييييييل

نصراوي العصر الف شكر هالابداع والتمييييييييز
لا تحرمنا جديدك المميز

ابياات قمه في الرووعه تسلم يمينك شاعرنا
تحياتي لك

الف شكر لكم جميعاً علئ المرور المميز ولاهنت..

يعطيك العافية أخوي نصراوي العصر
هدية جميلة كعادتك
ألف شكر
^_^