~ سكة الذكرى ~..

مرّني طيفك .. وطيفك صاحبي مدري عدوّي
جايبٍ صوتك .. وصوتك سكة الذكرى الحزينة


قال أنا جوّي تكدّر .. قلت : ماهو كثر جوّي
قال فرقانا غبينة .. قلت : وأكثر من غبينة

قال : أنا ب أموت من غيبتك قل لي ويش أسوّي؟
قلت : أنا أبغى الموت في غيبتك .. قل لي بس وينه؟!

قبل ترحل .. كنت أقول بيسرح أيام و يضوّي
مثل ماعودني اليا اشتقت له جابه حنينه

بس ه المرة ثمان شهور وضلوعي تدوّي
كل يوم أشتاق لك .. يلعن أبو الشوق وسنينه

كل ماعشمت قلبي .. قال ياآآ ضلوعي تقوّي
ورحت أنا وياه نرقب رجعة اللي فاقدينه

نوب أقول اليا رجع بكون في قمة هدوّي
ونوب أقول الا أبزعل وأتلى مابيني وبينه

كل يوم أجلس على جال البحر وأقول توّي ..
.. لاسألني : مافقدت الحلم في لمسة يدينه ؟!

مادريت أن البحر ماقال لأمواجه تروّي !
و مادريت أن الغرق هو حجّة غياب السفينة

مادريت .. أو مابغيت أدري .. ولاأدري وش بسوّي
لو رجعت .. وشفت طيفك في الممرات الحزينة

وين ابنسى وانت طيفك صاحبي مدري عدوي
مارضى يترك ل غيره شبر واحد في المدينة!

تسلم يمينك ع الانتقاء الرائع والمميزلاخلاولاعدم

اشكرك والله منوره يالغاليه لاهنتي

ابيات رائعه
تسلم يمينك متميزة في طرجك
تحياتي لك

قصيده جزله وذائقه مميزه الف شكر اك على النقل...

اشكركم للتواجد جميع لاهنتم

يعطيك ألف عافية عالأبيات روحي العالمي
متميزة و انا أخوك
ألف شكر
^_^

التميز انت وشرواك بارك الله فيك اخوي العزيز
للتواجد لاهنت

ابياات راائعه
يعطيك الف عاافيه ع الذوق
لاخلاولاعدم

اشكرك يالغلا للتواجد منوره حيل لاهنتي