أصعب مساحات الألم جرح يجي وسط الشعور

أصعب مساحات الألم جرح يجي وسط الشعور
وأتعب مواقف دنيتي"تبكي واجفف مدمعك"

ماكـــــان لي باللي حصل لظروفنا خبره ودور
ماقصدي أجرح وأبتعد وأهجر بقسوه وأوجعك

موقف وكان بأخره صفحه تغطيها السطور
قصه وفجأه أنتهت... قبل ألتقي بك وأسمعك

عجزت أوضح صورة في داخلي تهوى الظهور
عجزت أحدد موقفي منك..وأحدد موقفك

حاولت أرجع صورة طاحت من أيام وشهور
وأحساس جارف داخلي ينهاني أرجع وأرفعك

كل المشاعر داخلي صارت بلا حبك قبور
وأجمل عواطف دنيتي كانت بعيني مرجعك

لوكـــــــان حبك وردة..كان أحترق عطر الزهور
وإلا تحول صورة في كل لحظه ..تصفعك

"ماكنت أظن إحساسنا ممكن مع الضيقه يبور"
ولا حسبتك ترتجي شوقي وأعاند وأمنعك

ليل يطول ومايجي له بعد طول الليل نور
حــــــــب يموت ويشتكي ويرد فجأه ...يتبعك

ماعاد بيدي أنفعل.. وأزعل ..أعاندهم..وأثور
ماعد فيني أشتكي وأسمع كلامك وأقنعك

طيفك وخنته وأعترف..؟؟كلي معك قسوه وجور
دامي نثرتك فالهواء..لايمكن أرجع وأجمعك


حاولت أنسى وأنسحب.. هذا هوالعالم يدور..
"أنساني الله يحفظك ويكون بأحزانك معك

شكرا ابيات رائع لاهنت ي مبدعنا

مشكووووووووووووووووره على ردك

يا جمال هالابيات يالذيب
روعه الاختيار الله يوفقك
^_^

اااه من هذه الابيات واااه من شاعرها المجنون فكم لامس من مشاعر تحاكي النفس بهذه الابيات الشعريه الرائعه ولكنها احتوت علي قسوة ربما تم اجباره علي اظهار كل معالم القهر رغم ماتكنه النفس من حب عظيم لكنه يختم قصيدته بطلب الرحيل صراحه تعايشت مع الابيات بكل مافيها بشعور غريب انتابني وانا اتأمل صياغتها بهذا الجمال لله درك حبيب قلبي الذئب علي روعة الانتقاء

المشاركة الأصلية كتبت بواسطة النُّــادِر

يا جمال هالابيات يالذيب
روعه الاختيار الله يوفقك
^_^

مشكووووووووووووووووره على ردك

المشاركة الأصلية كتبت بواسطة ضامي بطولة

اااه من هذه الابيات واااه من شاعرها المجنون فكم لامس من مشاعر تحاكي النفس بهذه الابيات الشعريه الرائعه ولكنها احتوت علي قسوة ربما تم اجباره علي اظهار كل معالم القهر رغم ماتكنه النفس من حب عظيم لكنه يختم قصيدته بطلب الرحيل صراحه تعايشت مع الابيات بكل مافيها بشعور غريب انتابني وانا اتأمل صياغتها بهذا الجمال لله درك حبيب قلبي الذئب علي روعة الانتقاء

مشكوووووووووووووووور على ردك