بدون زعل وقرار شخصي ...

قرار شخصي اتخذته هذا اليوم بعد صبر موسمين وبداية من هذا الموسم اعلن اعتزالي لتشجيع نادي النصر بوجود هذي الإدارة الفاشلة من جميع النواحي ..
والأسباب كثيرة وتطول جدا وهنا المشكلة ...
للأسف إدارة ما تعرف تجيب أجانب مثل فرق اقل مستوى فنيا وماديا مثل الباطن والفيحاء والقادسية والقائمة تطول ...
إدارة ما تعرف أسباب تدهور مستوى لاعبينها مثل يحي الشهري في المنتخب ابداع وفن ومع النصر صفر علي الشمال ... ولا يهون البارد السهلاوي ...
اسالكم بالله لكرو كيف تم التعاقد معه جيبور وش سوا اليوم ...
إدارة تتعاقد مع أجانب شياب شياااااااااااااااااااااااااااب بالله حسام غالي 36 سنة خخخخخخ شر البليه ما يضحك ..
نجي هنا للتحفه المدرب خخخخخخخخخخخ اقسم بالله تحفة : كل مباراة بخطة كل مباراة بتشكيلة ..
يا ناس يا بشر مباراة اليوم اقل واحد يتابع الفيحاء يعرف انه فريق راح يلعب بتراجع للخلف يعني تحتاج لاعب مهاري مثل الفريدي .. وبعدين مع الفيحاء تلعب براس حربة واحد خخخخخخخ يا سلاااام اجل مع الهلال وش بتسوي بتلعب بدون مهاجم والمشكلة السهلاوي من مباراة الأهلي وهو يلعب بنفس طريقة المنتخب خخخخخخ يرجع للخلف ليش مدري ... متبرمج الأخ الظاهر لازم يسون له تحديث ...
يالله يا رئيس خل المريسل وشلة حسب الله تنفعك ... شغل تطبيل وشغل بربسه .. ومحمد شنوان يقول عدم شرعية الهدف الأول للفيحاء يا رجل اتقي الله .. ويد محمد فوزير ليش ما تكلمت عنها ... تدرون ليش لان هذا هو التطبيل ....
احسن شي في النصر انك تخلص من الدوري بدري بدري خخخخخ ست نقاط طارت في اربع مباريات يعني النص ومع مين الفيحاء والاتفاق ... الأهلي مقبولة علما ان الأهلي كان سئ ..
اقترح علي الرئيس انه يسال الشخص الي جاب للهلال الأجانب يجيب للنصر واعتقد شفنا اداوردو كيف شايل الهلال ... لاعب واحد عن عشرة ..
اعتذر يا شباب عن الأسلوب بس والله قهر كل ويك اند نكد ..عموما خلاص اعتزلنا الكورة والنصر وخليناه للرئيس وشلته ...
تحيااااااااااااااااااااااتي

الادارة الفاشلة ..... الله بلانا بها ولا نقدر نغيرها!لكن المدرب ( النكبة ) لازم يطردونه اليوم قبل بكره!

قهر ياشيخ
كل ما قلنا موسم للبطولات نتفاجأ ان الاداء هو نفسه من سنتين
بالرغم من التغيرات في المدربين و اللاعبين

خسائر بالملايين على مدربين و لاعبين فاشلين

المستوى سيء للغاية وننتظر مالذي تفعله الادارة لتصحح وضع الفريق..


يعطيك العافية

ان شاء الله مع المدرب الجديد نرجع لمستوانا المعهود

واتمنى من الاداره ركن ليوناردو والسهلاوي والشهري ولكرو


احتياط واللعب بالراهب والجميعه وفوزير والاسطا اساسي


الى متى مجاملات ياناس


بالتوفيق لنصرنا في قادم الأيام

ليوناردو ياضاري شال الفريق الشوط الثاني وقدم اداء مميز
واتمنى ان يرتفع مستواه ولاتلومه يااخي من اللي بجهته
بكل اسف المقلب المغربي الكرو وبعد ددخول عوض خميس
شاهد كيف برز ليوناردو لانه وجد بجنبه
لاعب متحرك وذكي ومهاري .. لذلك ظهر بشكل مغاير
اما الكرو وحسام غالي رغم قيمته سابق وتاريخة
لكن لن ينجح في دوري قوي يحتاج اللاعب فيه لنشاط ولياقة
شاهدنا كييف فشل ممن هوا ابرز منه لعل ابرزهم
هداف المنتخب البرازيلي الهداف الكبير ببيتو الذي لعب للاتحاد
اما السهلاوى فالضرب بالميت حرام ؟ اما جيبور
هههههههههههههههههه فهذا نكتة خرافية يصلح يكون باي شي
الا كورة القدم لاجري مثل الناس ولامهارة ولافكر ولاشوت
والمصيبة ماخذ مقلب كبير في نفسه .............
فوزير لاعب مكمل ليس باللاعب الثقيل فنيا
مايقدمه الجميعه يقدم افضل منه وبكثير لكن الدنيا حظوظ
ولايبقى الاالفارس المقنع
هذا من الظلم ان يكون مع هذة المجموعة مفترض يكون مع مجموعة
متصدر لاتكلمني .. مصيبة لما تشوف لاعب يقاتل كل هذا القتال
ثم بعد هذا الجهد يخرج الفريق متعادل او خاسر لوجود اشباه
لاعبين ؟

البلاء في لاعبينا وليست الادارة بعض الاعبين لايريد ان يلعب مع الفريق بشكل جيد ومع المنتخب ماشاء الله ليش لانه ضامن الفريق اما البقى في المنتخب لا فهذا يرجع للاعبينا سوا النصر او غيره من الاندية يعني صراحة لو مدرب لهم باخليهم يحرثون الملعب حرث انا ادفع لك دراهم ومبالغ ليش عشان اجلس اتعذر من الجماهير بسببهم لا لاعبين مزاجات ويجب نص قانون يحاسبهم صح ولا مع السلامة اطلع لاعبين من شباب النصر وابدا معهم افضل من واحد يلعب بمزاجه ويتشرط وياليتهم افلحوا واذا قالوا ليش ماتلعب صح قال ما عطيتوني حقي بروح نادي اخر روح لا ماسوف عليك الي برز ماجد ومحيسن مع النصر يجي غيرهم افضل من الموجودين حنا السبب الي تركنا الاعبين ياخذون في نفسهم مقلب كل ما صاح لاعب راضيناه وطلبناه يجلس خلوه ينقلع الي يبي يلعب عشان يمتع جمهور ويلعب كورة بيلعب حتى لو ببلاش مع انوا حقوقهم محفوظة عند النادي او الفيفا لكن البلاء في لاعبينا

الادارة تعمل بكل جهد وجلبت لاعبين الاغلبيه كانو مؤدين التعاعقد معهم كلكرو وجيبور وليوناردو وحسام خالي (خالي )


لكرو وجيبور وليوناردو لم يكون هناك اي اعتراضات عليهم حسب السيفي لكل لاعب


حتى المدرب غوميز السيفي كان ممتاز وايضا اجمعو عليه


المدرب اول مباراة في الدوري مع الفيصلي اعتقد ظهر الفريق بافضل حالاته الفنيه تناغم انسجام


تكتيك وكان بدون الاجانب ماعدا طيب الذكر برونو


حقيقة انا من شاهدت تلك المباراة قلت هذا المدرب ضالة النصر


لعبنا مع الاتفاق ايضا الفريق كان ممتاز ولكن الشوط الثاني للاسف لم يم يصمد على الفوز وتم التعادل


من هنا بدات المشكلة مع المدرب واتضح ان المدرب لديه مشكلة صحيه اعتبرها سبب في التحول


اللي يعتب على اللجنة الفنية تعاقدها مع مدرب لدية مشكلة صحية ومزمنه مستقبلا


يعني اللي يتحمل موضوع المدرب اللجنة الفنية


اللاعبين اللي اعتبره غير ناجح مع الفريق هو لكرو هذا اللاعب اتضح مشكلته من اول مباراة الى اخر مباراة


لم يقدم شي رغم ان الاكثريه من الجماهير كانت تعتبره نعاقد جيد لكن للاسف لانعلم ايش المشكلة


بالنسبة لجيبور للاسف جلوسة على الدكة اكثر من مباراة ولم يعطى الفرصة الكاملة الا باخر مباراة


لايجعلنا نستبعده ونقول ماعنده شي نعم ظهر بشكل سيئ لكن المشاهد للاعب يرى ان اللاعب مظغوط


عندما لعب المباراة الاخيرة وماكان في مستواه المفروض يكون فيه قد يكون السبب المدرب وفي اعتقادي المدرب له دور في وضع جيبور


بالنسبه لليوناردو اتضح ان المشكلة كانت من مساندة الظهير له وايضا توظيف المدرب له دور على اللاعب


وشاهدنا عندما لعب عوض خميس كيف ظهر ليناردو اللاعب اتضح انه لديه شي وانه ممكن ينفع الفريق

حسام غالي لعب مباراة واحده ولم يظهر بالشكل المتوقع وهذا عليه علامة استفهام


في التعاقد معه ولكن نتمنى ان يعطي شي للنصر لانه محسوب على النصر



في الاخير نتمنى ان يقف الجميع مع العالمي لانه بحاجة للوقفه والرفع من معنويات اللاعبين والادارة والمدرب والدوري لازال طويل

ربما يحتاج اللاعبون الأجانب الى اكثر من فرصه لإظهار مالديهم
ولكن المشكلة في لاعبينا المحليين وانخفاض مستواهم بعد معسكرات الترفيه والتسمين .!
حتى مستوى لاعبينا مع المنتخب مش ولابد .! وربما شالهم مستوى اللاعبين الآخرين .!
لازال فريقنا يعاني من الإرتباك وعدم الثقه وضعف اللياقه والخوف من القتالية على الكرة و هذه تحتاج مدرب كفء يعمل لسمعته وليس للعقود والسمسرة .! وكذلك مدرب لياقة عالي المستوى ومن وراء ذلك إدارة متابعه ومراقبه لأداء الأجهزه واللاعبين وكل هذه الأمور ليست على مايرام في نادينا .!
عموماً هذا نادينا ولن نشجع غيره وعلينا الصبر حتى يحلّ الفرج